Skip to main content

NIFF-ip takutitassarpassui: Kalaallit filmiliaat aatsaat taama amerlatigisut takuteqqaarneqassapput

Nuuk International Film Festivalimi ukioq manna kalaallit filmiliaat sisamat takuteqqaarneqassapput. Piviusulersaarusiat, qitittartut pillugit filmiliat aamma qiiaamminartuliat siullermeerlutik takutinneqassapput.

Nuuk International Film Festivalimi ukioq manna ullut tamarluinnarmik kalaallit filmiliaannik takutitsiffiussapput. Tamatuma peqatigisaanik filmfestivalimi filmit kalaallinit ingerlanneqartut sisamat siullermeerlutik takutinneqassapput, tassa annanniarnermit piviusulersaarusianit qitittarneq pillugu filminut.

- Festivalitut nunaqavissunik filmiliortartunik tapersersuisutut kalaallit suliaqartut ukkataritinniarlugit unnersiutaanerput tulluusimaarutigaarput. Kalaallit Nunaanni filmiliortartut nunani tamalaani ineriartupiloorput, aaqqissuisoq Aviaq Brandt oqarpoq.

Filmfestivalimut ukioq manna peqataasut filminik sisamanik siullermeerluni takutinneqartunik isiginnaagaqarsinnaapput:

Ukuupput:

  1. Inoorusuppunga, Mads Petersen, Qeqertarsuarmeersoq
  2. Out of touch, qitittarneq pillugu Alexander Montgomery-Andersenimit filmiliaq
  3. USULISSUAQ, David Heilmann Ottosenimit
  4. ILISIITSUP ILLORSUA, Marc Fussing Rosbachimit

Ullut tamaasa kalaallit filmiliaat

Aammattaaq filmfestivalip ingerlanneqarnerani siullermeerluni ullut tamaasa kalaallit filmiliaannik minnerpaamik ataatsimik takutitsiffiussaaq, tamanna 13.-16. septembarimi pissaaq.

- Ukioq manna ullut tamaasa kalaallit filmiliaannik takutitsisassaagut. Festivalimi angusaq annertuvoq. Nuuk International Film Festival kalaallit filmilioartartut filmiliaminnik nunanut tamalaanut takutitsiffiuvoq, Aviaq Brandt oqarpoq.

Ammaanersiornermi "Twice Colonized” takutinneqassaaq. Filmi aamma filmfestivalini angisuuni soorlu Københavnimi CPH:DOX-imi aamma USA-mi Sundance Film Festivalimi takutinneqarnikuuvoq.

Filmfestivalimi pisussat tamaasa NIFF-ip nittartagaani takusinnaavatit.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER