NIFF filminik assigiinngitsunik arlalinnik takutitsissaaq
Nuuk International Film Festival ukioq-manna filmfestivalertitsisoqarnerani ilaatigut filminik takutitsinerit saniatigut oqallitsinissamut, cafemi tusarnaartitsinissamut filmwokshopertitsinissamullu piareersimavoq.
Så er programmet klar til den femte Nuuk International Film Festivalip pingasunngorpat septembarip 15-ani tallimassaanik ingerlanneqarnissaanut pilersaarutit piareersimapput.
NIFF-imik ingerlatsisut filmfestivalertitsinermi filmilinik naatsunik, piviusulersaarutinik filminillu inersimasuni tmeeqqanillu isiginnaarneqarsinnaasunik takutitsissapput.
Ukiuni tallimani kingullerni filmfestivalertitsisarneq alliartuinnavissimavoq, aaqqissuussisut taamaalillutik nunarsuarmi sumiiffinnit assigiinngitsunit takutitassiat assigiinnginnerusut takutissinnaassavaat.
- Ukiut tallimat ingerlaneranni Kalaallit Nunaanni filmiliat pingaarutilittut oqariartuuteqartinneqartarnerat ilikkarsimavarput. Nunarsuup sinneranut oqariartuutaasarput, aammali oqariartuutaasarlutik uagutsinnut pingaarutillit. Filmit immitsinnut atanerulersittarpaatigut, nukittunerulersittarlutta, kikkuunersugut, kikkuusinnaanersugut kikkunngorsinnaanersugullu takutittarpaat, filmfestivalertitsisarnermi aquttoq Pipaluk K. Jørgensen ukioq manna pisussatut pilersaarutinik saqqummiussinermi oqarpoq.
Filmit nunarsuarmi tamarmeersut
NIFF-ip nittartakkani siorna saqqummiuppaa, nunarsuarmi filmiliortartut taanna aqqutigalugu filmiliaminnik nassiusisinnaapput, tassa Nuummi festivalertoqarnerani filmiliamik takutinneqarnissaat anguniarlugu. Tamatumalu malitsigisaanik filmeriartut filminik assigiinnginnerusunik takusaqarsinnaalersimallutik.
Ukioq manna ilaatigut nunanit avannarlernit piviusulersaarutit, filmiliat filmiallu naatsut takuneqarsinnaassapput, soorlu aamma Kalaallit Nunaata nunasiaasimaneranut tunngatillugu oqaluuserissallugu mianernartinneqartartoq pillugu filmi oqallissaarut kiisalu Danmarkip tassunga attuumassuteqarnera takutinneqassasoq.
Kalaallit Nunaata oqaluttuassartaapillugu piviusulersaarut aamma takutinneqassaaq, kiisalu isiginnaartitsisartup Nikolaj Coster-Waldaup aamma Islandimi filmiliortartup Baltasar Kormákurip 1990-kkut aallartinneranni sermersuarmut ilsimasassarsioriartorsimagaluarneq ”Against the ice” pillugu filmiliaq oqaluttuarissavaat. Filmi Netflixikkut isiginnaarneqarsinnaavoq.
Pilersaarut tamaat NIFF-ip nitartagaatigut takuneqarsinnaavoq. Filmfestivali septembarip 15-ianiit 18-anut ingerlanneqassaaq.