Skip to main content

Nielsenip qulaarsineq tupaatigaa - justitsministeri attaviginiarpaa

- Folketingi katersuuteqqippat inatsiseqarneq pillugu ministerimut toqqaannartumik attaveqarniarpunga, taamaasilluni pisimasoq puiguinnarneqannginniassammat, Siumut sinnerlugu folketingimut ilaasortoq oqarpoq

Sapaatip akunnerata naanerani saqqummiunneqartutut Københavns Politiiniit nassuerutigineqarpoq - dagbladet Politiken qulaarsereersorlu - Købehavns Politi angerlarsimaffeqanngitsup Amagerbro metrostationillu eqqaani silaaruteqqasullu Daniel Øhlersip kingoqqivianut apeqqutilleeqqaarsiamsut, arnarlu sanioqquttoq apeqqummut tassunga qaqiliisimanngitsoq.

Kisianni Politiit sapaatip akunnerata naanerani oqaatigisaaraluarpaat arnap siulliulluni kalaaleq amaartuunerarlugu oqarsimasoq. Kisianni sianernerani immiussat taama politiit oqarnerat eqqunngitsoq takutereeraalu politiinspektørip Københavns Politimeersup nassuerutigaa.

Siumup folketingimi ilaasortaatitariligaata Nick Nielsenip Nepalimi feeriarnermini  politiit Daniel Øhlersip toqunerata nalaani oqaluussinerannut qulaarsinerit malinnaavigai.

Atuaruk: Politikerip immikkoortitsisoqarsimanissaa ernummatigigaa

Justitsministeri attaviginiarpaa
- Ernumanarluinnarsoraara politiit apeqqutigisinnaappassuk ikiortariaqartoq kalaaliunersoq imaluunniit qallunaajunersoq inuup navianartorsiornerata nalaani, tassami taamani Danieli ikiortariaqavissimavoq. Allatummi ajornatortumik isumaliornanngitsuunngilaq politiit isumaqarsimasut kalaalliuppat taava qaallunaatut taama nalaataqartutut suliassaq nukingiullugu suliarisariaqanngitsoq. Akuerineqarsinnaanngilluinnarporlu politiit pisimasut ilumuunnginneraraluarmatigit, allaallu ikiortissarsiorluni politiinut sianertoq upperisassaanngitsutut nalileraluarpaat, Nick Nielsen tusagassiuutinunt nalunaarummini taama allappoq.

- Folketingi katersuuteqqippat inatsiseqarneq pillugu ministerimut toqqaannartumik attaveqarniarpunga, taamaasilluni pisimasoq puiguinnarneqannginniassammat, Siumut sinnerlugu folketingimut ilaasortoq taama nassuiaavoq.

Atuaruk: Isiginnittoq: Sanioqquttut angut toquinnartariaqarnerarpaat

Assit takukkit: Angutip angerlarsimaffeqanngitsut toqunera pillugu ingerlaaqatigiinneq

SF: Ajorluinnarpoq
Aamm SF’p folketingemi ilaasortaatitaata Özlem Cekicip politiit suliamik ingerlatsinerat tupaqqassutigaa.

- Isumaqarpunga inuup inuunermik annaasaqarnera ajorluinnartoq politiit sumit kingoqqiveqarnera isumaqartissimagunarmassuk. Sooq kalaaliunera apeqqusinerpa, Özlem Cekic eb.dk-imut oqarpoq.

Innuttaasut katillutik arfinillit oktobarip arferngani ikioqqullutik sianeraluarput, sianertullu siulliup Kirstine Løvdal Nielsenip politiit telefonnormukkut 114-ikkut nalunaaqutaq 15.03 attavigai. Apeqqutigineqartullu tullia tassaasimavoq ‘Qallunaajua imaluunniit kalaaleq?'

Tamatuma kingorna arnaq ilisimatinneqarpoq politiit ‘siunissami qaninnerpaami’ aggertinneqarumaartut. Taakkuali takkutinngitsut, Politen allappoq. 

Atuaruk: Angut 32-nik ukiulik Københavnimi toqusoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER