Niels Thomsen: Ilunni kamassaqartorujussuunikuuvunga
Qinersinermi taaguunneqarluartup inuunini ammasumik AG-mik oqaloqateqarnermini oqaluttuaraa.
Niels Thomsen qinersisoqarnerani Demokraatit taaguunneqarluartortaraat, partiillu siuariarujussuarneranut pingaarutilittut nassuiaatissatissat ilaanniippoq.
Kisianni Niels Thomsenip inuussutissarsiornikkut aamma naalakkersuinikkut iluatsitsilluartuunissaa pilersaarutaasimanngilaq. Peroriartornini ajornakusoortutut oqaluttuaraa, tassani meeqqanit allanit malersorneqartarlunilu unatartittarsimavoq.
- Nuannerpallaanngitsunik iliuuseqartarnikuuvunga kamallu sakkortuumik ilunni pigalugu. Iliuuseqartarsimavunga tulluusimaarutinngisannik. Taavali unikaallallunga inuunera isumaliutigeqqissaarpara inersimasunngornissannut taamaaginnarnissara orniginartinnagu. Kukkussutikka nassuerutiginikuuakka akisussaaffillu qimarratiginagu. Kisianni taamanikkut inuunerisama iliuutsimalu akuersaarneqarsinnaannginnerannik nassuerutiginninneq pisariaqarsimavoq inuunerma pitsaanerusumut saatinniarnissaanut, Niels Thomsen AG-mut taama oqarpoq.
Niels Thomsenip ilisaritinneqarnera tamaat AG-mi atuaruk: