Niels Thomsen Royal Greenlandimi siulittaasunngunngilaq

Naggatissaa tikillugu kalaaleq inuussutissarsiortoq siusinnerusukkullu politikeriusimasoq nuimasoq, Niels Thomsen, Royal Greenlandimi siulittaasussatut piukkunneqarsimavoq. Pilersaarulli tamanna piviusunngunngitsoorpoq.

Ulloq 20. maj 2021 Niels Harald de Coninck-Smithip inuunermini puiguikkiussassarilerpaa.

Ulloq taanna Royal Greenlandip ataatsimeersuarnerani siulersuisuni siulittaasutut Naalakkersuisunit toqqagaaqqippoq. Tamanna tupaallannarpoq, tassami maajip 20-at sapaatip-akunnerinik arlalinnik sioqqullugu anisitaasussanngortinneqarsimagaluarpoq. Aviisi Sermitsiaq taama allappoq.

Ataatsimeersuarnissaq sioqqullugu piginnittut, Naalakkersuisut, ingerlatseqatigiiffiitsiulersuisuinut allattoqarfik peqatigalugu, ersarissumik pilersaarusiorsimapput. Niels Harald de Coninck-Smith siulersuisunilu ilaasortat allat sisamat taarserneqassapput.

Niels Thomsen siulittaasunngussaaq, taannali piffissaq kingulleq atorlugu piumajunnaarpoq.

Taamaalilluni Naalakkersuisut Siulersuisunullu Allattoqarfiup, Naalakkersuisut siulittaasuata Múte B. Egedep naalakkersuisoqarfianiittup, Royal Greenlandimi siulittaasumik taarseeriaraluarnerat maangaannarpoq.

Pisimasumik ilisimannittut arlallit, aterminnik isertuusserusuttut, Sermitsiap oqaloqatigisimavai. Pisimasup tunuliaqutaannaa oqaaseqarfigaat. Paasissutissiissutaalli tunngavigalugit imatut pisoqarsimasoq takusinnaavarput:

Naalakkersuisut nutaat qullersanik, tassa siulersuisunik, nutaanik ikkusserusupput, pisortaanermik Mikael Thinghuusimik siunersiueqatiginnissinnaasunik.

Ataatsimeersuarneq sioqqullugu ataatsimeersuarnerullu nalaani susoqarnersoq aviisimi Sermitsiami atuarsinnaavat. Aviisi uani pissarsiariuk:

Powered by Labrador CMS