Skip to main content

Nick Nielsen Kim-mimut: Suliassatit sissuiinnakkit

Illoqarfiit pingaarnersaanni pilersaarusiaq Siumup siulittaasuanit Kim Kielsenimit oqaaseqarfigineqarnera, Nick Nielsenimit (IA) tupigusuutigineqanngilaq.

Suliniutitit aallutiinnakkit, uangut suliniutigut aallukkumaarpagut. Kommuneqarfik Sermersuumi kommunalbestyrelsemut qinigassanngortittoq Nick Nielsen (IS), Siumup siulittaasuanut Kim Kielsenimut taama oqariartuuteqarpoq.

Tamanna pivoq Kim Kielsenip, Kommuneqarfik Sermersuup illoqarfiit pingaarnersaanni pilersaarusiamik saqqummiisoqarnerata kingorna 'isumaannakkut pilersaarutaaneramagu' oqaaseqarfigimmagu.

Atuaruk: Kielsen Nuummi suliniut pillugu: Isumaannakkut pilersaarut

Allat pilersaarutaannnik isornartorsiuvinani Kim Kielseni (S) nammineq pilersaarutiminik saqqummiussisariaqarluartoq, Nick Nielsen isumaqarpoq.

Naalakkersuisut Siulittaasuannut tulluarnerussangaluarpoq nammineq suliniumminik ataasiinnannguamilluunniit piareeqqasumik saqqummiussisinnaasuuguni? Nick Nielsen (IA) tusagassiuutinut allappoq.

Nunatta aatsitassanik misissuiffissatut piiaaffissatullu pilerinassusia appariarsimanera oqaatigaa Kim Kielsenimullu (S) suliassaqqinnerarlugu.

- Kim Kielsen naalakkersuinikkut isummaminik tamanut ammasumik oqallinnermi saqqummiussuineq ajortoq, maanna tassanngaannartumik kommuninut qineqqusaarnermi siuttunngoriataarpoq, namminerli naalakkersuisuutitai unittooqqasutut ipput, suliniutinillu aallarteriaannarnik nammineq siunnersuutissaqaratik, Nick Nielsen (IA) taama isumaqarpoq.

Atuaruk: Pituffik pillugu suliaq Nielsenip sinniisussaajunnaarneranik kinguneqarpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER