Nick Kinamiit angerlartoq: Paasinninnersi takutissiuk
Kalaaleq Nick Bæk Kinami ilinniagaqartoq, ukiukkut atuanngiffeqarluni Kalaallit Nunaannukarpoq. Kalaallinut kaammattuivoq kiniiserinut paasinninnerminnik misiginneqataanerminnillu takutitseqqullugit
- Kalaallit Nunaanni coronavirusimut tunngatillugu ernumassuteqartoqarnera soqutinnittoqarneralu paasisinnaavakka. Nappaammimmi eqqugaasimasunut pisoq ilungersunartupilussuuvoq.
Nick Bæk 31-nik ukiulik Chengdup universitetiani – Wuhanimit nappaatip pilerfianit 1.000 kilometerisut ungasitsigisumiittumi.
- Nappaammut tunngatillugu suli ilisimasaqarpallaanngilagut, eqqaamassavarpulli peqqinnissatigut suliniaqatigiiffiitt nalilermassuk, nualluutit allat assigalugit napaatip toqussutaasinnaanera to procentip missaaniittoq, siger Nick Bæk, Vietnam aqqutsaarlugu timmisartumik Københavnimut ataasinngorpat tikinniartoq oqarpoq. Ullut marlussuit qaangiunneranni ukiukkut sulinngiffeqarnerminut atatillugu Kalaallit Nunaannut ingerlaqqissaaq.
Ilinniarnerup aallarteqqinneqarnissaa kinguartinneqartoq
- Pilersaarutit malillugit sapaatip akunnerini marluinnarni Nuummittussaagaluarpunga, Kinamili universitetip ilinniarfigisama virusi atuuttoq pissutigalugu ilinniarnerup aallarteqqinneqarnissaa kinguartissimavaa, taamaammat ilinniarnerput qaqugu aallarteqqissanersoq suli naluarput. Pilersaarutigaara Kinamut uteqqissallunga - martsip qaammataani ilimanarpoq, virusilu siaruaakkiartorunnaarsimassasoq neriuutigaara, Nick Bæk nassuiaavoq.
- Ajoraluartumik kiniiserit millionilikkaat ukortaarsioriartorlutik ilaquttaminnukarlutik aallakaanerat ilutigalugu coronavirus siaruaakkiartulersimavoq. Ikinngutiga Chengdumeersoq, Hubeimut nappaalaffiunerpaasumut ukiortaarsioriartorluni angerlarami, aallaqqusaajunnaarlunilu, nappaatip siaruaakkiartornerata aqunneqarsinnaalernissaata tungaanut maanna ilaquttaminiittariaqarpoq.
Kiniiserit ersigineqartut
- Kiniiserit ikinngutimma ilisarisimasammalu Kinami pisoq assut ajuusaarutigaat. Nunarsuarmiunit paasineqartutut misiginneqatigineqartutullu aappaatigut misigisimapput, aappaatigulli aamma paasissutissanik eqqunngitsunik siammarteriffigineqarlutillu quiassuaatigineqarneq ajoaraluartumik misigisarpaat. Peqatigitillugu kiniiserinut ersisoqartalersimasoq misigisimavaat.
- Kiniiserit corona ilungersunartupilussuarmik tiguaat. Inuit kikkut tamat angallaffianniikkaagamik kiinarpaqartarput, sprit assannut tunillannartuiaat pissarsiariuminaatsupilussuuvoq, kiniiserit eqqanaarisimanerat pissutigalugu. Aqquserngit inoqanngillat, neriniartarfiit matoqqapput, inuillu ikitsuaraannaat metromut, bussinut timmisartunullu ilaasarlutik.
- Taamaammat inunnut kaammattuutigerusuppara, eqqugaasunik aamma peqqinnissaqarfimmilu sulisut nappaammik akiuiniarlutik ullut tamaasa ilungersornerannik paasinninnertik misiginneqataanertillu takutittassagaat, Nick Bæk oqarpoq.