Skip to main content

Niaqqup saarnga uivertitsisimasoq

Nuummi Qapiarfiusaami "inuup niaquata saarnganik" nassaartoqarsimanera inuit attaveqaqatigiittarfiisigut pingasunngormat oqaluuserineqarpoq. Paasinarsisimavorli inuup niaquata saarnga itsarnisaasoq, "piginnittup" qatsussimallugu eqqaavimmut igissimagaa.

Qapiarfiusaami inuup niaquanik pingasunngormat nassaartoqarsimanera inuit ilaannut tupannarsimassajunnarsivoq.

Kalaallilli Nunaanni Politiit pigaartuisa pisortaata Julie Senderovitz Bendtsenip eqqissisaalluni oqaatigaa, inuup niaquata saarnga itsarnisaasoq pineqartoq.

Inuulli niaquata saarnga nassaarineqarsimasoq pinerluuteqartoqarsimaneranik tunngaveqarpasinngilaq, Nunattami Katersugaasivianit oqaatigineqarpoq niaqoq ilivitoqqameersuusoq.

Qatanngutigiinniat iliveqarfianneersuugunartoq

Inuup ataatsip niaqoq siusinnerusukkut nassaarisimavaa, eqqaavimmulli igissimallugu, eqqaavimmiittorlu pingasunngormat siumorneqarsimalluni.

Nunatta Katersugaasiviani Allagaateqarfianilu inspektørip Hans Langep Sermitsiaq.AG-mut oqaluttuaraa, Katersugaasivik politiinut paasissutissaalluni ikiuussimasoq.

- Niaqqup suminngaanneersuunera pillugu politiinut ikiuussimavugut. Illoqarfimmi qatanngutigiinniat illutoqaasa eqqaanniittumi iliveqarfimmeersuusinnaavoq. Qanorli pisoqaatiginersoq aalajangeruminaappoq, Hans Lange oqarpoq.

Niaqoq Danmarkimukaanneqassasoq

Taassuma oqaatigaa, ilerrit eqqissisimatinneqartariaqartut, taama ittunik nassaarluni nuannersinnaasaraluartorluunniit.

- Inuit ilerrit kristumiut kuisissimasut iliverimmatikkit ataqqisariaqarpaat. Ilivernit qaqitsisannginnissaq pingaaruteqarpoq, toqusimasullu eqqissisimatinneqartariaqarlutik, taanna oqarpoq.

Hans Langep oqaluttuaraa, niaqqup saarnga Nunatta Katersugaasivianit tiguneqarpat, Københavnimi Panum Institutimut, inuit saarnganik Kalaallit Nunaanneersunik isumaginnittartumut nassiunneqassasoq.  

- Taamatut ittut eqqortumik toqqortarineqarnissaannut taakku ilisimasaqartuullutillu toqqorsiveqartuupput, katersugaasivimmi inspektøri oqaluttuarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER