Niaqornani qaqqaq sisoortoq
Ullut arlallit siallernerata kingorna nuna annikitsumik sisoorpoq
Niaqornani Uummannap eqqaani ullut arlallit sialernera pissutigalugu, sumiiffinni assigiinngitsuni nuna sisooqattaarpoq. Nunaqarfiup kitaatungaani aammalu kangiatungaani tamanna pivoq, Avannaata Kommunia nittartakkamini taama allaaserisaqarpoq.
Kitaatungaani nunap sisoorsimanera annertunngikkaluarpoq, kisiannili allatingut nunap marraasup qullorsimanera sisoornermik nutaamik pilersitsisinnaavoq, kisianni Niaqornani siallerunnaarsimasoq upalungaasimasut ittuat nalunaarpoq.
Nunaqarfiup kangiatungaani nunap sisoornerata ujaraaluit nassatarisimavai, ilaatalu illu sullivik eqqorsimallungu annertunngittumik iingaa putusimasoq nalunaarutingineqarpoq.