NGO aalisarneq pillugu ataatsimiititaliarsuup isumaliutissiissutaa pillugu: Maannakkut pinissaa pisariaqarpoq
Naalakkersuinermik suliallit Aalisarneq pillugu Ataatsimiititaliarsuupinassutigisaanik maannakkut piviusunngortitsisinnaassappata uagutsinnut,kiisalu meeqqatsinnut ernutatsinnullu aalisarnerup qularnaarnissaanutperiarfissaqassavippugut, NGO aamma aningaasaateqarfik Oceans North Kalaallit Nunaat taamatut isumaqarpoq.
Aalisarneq pillugu ataatsimiititaliarsuup isumaliutissiissutini, inuussutissarsiummut aalisarnermullu inatsisissamut nutaamut tunngatillugit politikkerinut arlalinnik inassuteqaatitalik ukiuni arlalinni suliarereerlugu saqqummiuteqqammerpaa. Oceans Northimit erseqqissaassutigineqarpoq, isumaliutissiissut pimoorullugu tiguneqassasoq aamma politikkerit peqatigiillutik nunami aalisarnermi unammilligassat isumagisariaqaraat.
- Tamatumalu maannakkut pinissaa pisariaqassaaq, tassalu uagutsinnut, kiisalu meeqqatsinnut ernutatsinnullu aalisarnerup qularnaarnissaanut periarfissaqassagutta. Taamaattumik siamasissumik naalakkersuinikkut isumaqatiginnissutissamik
anguniagaqarnissaannik Oceans North Kalaallit Nunaat kaammattuivoq, tamanna partiini
naalakkersueriaatsikkut assigiinngissutsit alarlugit paarlattuanik nunatsinni inuiaqatigiinni
pitsaanerpaasussanik sulissuteqaqqullugit – maannakkut siunissamilu, Oceans North Kalaallit Nunaanneersut tusagassiorfinnut nalunaaruteqarlutik oqarput.
Siusinnerusukkut misileraanerit iluatsinneqartarsimanngitsut
Ocean Northimit oqaatigineqarpoq, naalakkersuinermi isumaqatigiinngitsoqarnerit
aamma piffissami atugarisartakkatut aalajaatsuunnginnerit pissutigalugit naalakkersuisut
taarseraattut akornanni iluarsaaqqinnissamut misileraanerit arlallit iluatsinneqartarsimanngitsut.
- Taamaattumik piffissamut ungasissumut aalisarnermik aammalu inuiaqatigiinni
atugarissaarnermik qularnaariniarluni pisarialittut aalisarnermik iluarsaaqqinnissamik
piviusunngortitsisinnaassappata maannakkut naalakkersuisuusut oqaluttuarisaanermi
angusamik pingaartumik angusaqarnissamut periarfissaqarput..
Pisariaqartut anguniagaqarfiusullu
Oceans North Kalaallit Nunaat isumaqarpoq, ataatsimiititaliarsuup aalisarnerup
iluarsaateqqinnissaanut inassutinik pisariaqartunik anguniaqartuusunillu
saqqummiussinissaq tamakkiisumik iluatsissimagaa.
- Pisariaqartut, aalisarnerup piffissami qanittumi ajalusoornissaa pinngitsoortinniarlugu. – Aamma anguniagaqartuusut, piffissamut qanittumut iluarsaassinerup piviusunngortinnissaa pillugu pisarialittut naalakkersuinermik ingerlatsisut aalajangiussineri iluarineqanngissinnaammata.
Oceans Northip ilisimaarilluarpaa, allanngortitsinissat angisuut artornartullu isumagisussanngorneqartut, tamannalu inuiaqatigiittut isumagisariaqakkat artukkiissutinik katattariaqakkanillu nassataqassasoq.
- Taamaattorli maannakkutut piffissami qanittumi ingerlaqqiinnarnissap, taamaalillutalu suli ajornerusunik allannguuteqarnissat takusinnaalissallugit ajalusoornissaq naapittariaqarfiunera – imaluunniit allamut sangoriarnissap aammalu piffissamut ungasissumut aqutsinissap, taamaalillutalu killup tungaanut allannguutissat tamakku annikillinissaat toqqarsinnaavavut.