isikkamik arsaanneq
Neymari FC Barcelonami isumaqatigiissutiminut pituttorsimajunnaarpoq
Brasiliamiup pisiniarineqarnissaanut immikkut piumasaqaat 222 millioni euro FC Barcelonamut akilerneqarsimasoq, spaniamiut peqatigiiffiata uppernarsarpaa.
Isikkamik arsaattartoq Neymar, FC Barcelonami isumaqatigiissumminit pituttorsimasujunnaarpoq.
Peqatigiiffik Neymarimit sinniisaanillu 222 millionit euronik (1,65 milliardit missaat) tigusaqarsimalluni, sisamanngornerup unnukkuani Barcelonap uppernarsarpaa.
Tamanna spaniami Primera Divisionip sisamanngornermi aningaasanik tingusaqarusunnginnerata kingorna pivoq, taakkuli spaniami isikkamik arsaannermi pisinissamut piumasaqaatit akilerneqartillugit ileqqut malillugit akunnermiliuttoorusungatik nalunaarutigaat.
- Sisamanngornermi ualisoq Neymarip inatsisilerituuisa peqatigiiffiup allaffianukarput, tassanilu unammisartup peqatigiiffiulli isumaqatigiissutaat atorunnaarsinniarlugu 222 millioni euronik akiliuteqarlutik.
- Suliamut tunngatillugu peqatigiiffiup paasissutissat UEFA-mut (Nunat Tamalaat Akornanni Isikkamik Arsaattartut Kattuffiat aaqq.), taakkuli (Uefa, aaqq.) pissutsinik malinnilluinnartoqarsimanersoq aalajangissavaat, FC Barcelona allappoq.
Naatsorsuutigineqarpoq brasiliamiup isikkamik arsaattartup tusaamasap piffissami qanittumi franskit peqatigiiffiat
Paris Saint-Germain isumaqatigiissuteqarfigissangai.
/ritzau/