Netflix Kalaallit Nunaanni: Ikiuinissinnut qujanarujussuaq
Filmi ”Against The Ice” Netfliximi saqqummiunneqaqqammersoq Ilulissat eqqaani, sermersuarmi Islandimilu studie-mi immiunneqarpoq. Filmi Nunatsinni paasisassarsiorluni angalanermut – Danmark-ekspeditionen-imut tunngavoq marsillu aappaani Netflixikkut takiteqqaarneqassalluni.
Kalaallit Nunaat marloqiusaanani qeqertaasoq Amerikamiunut uppernarsarniarlugu paasisassarsiornermi danskit Islandimiullu fimiliaanni takutinniarneqarpoq. Filmi ikinngutigiinermut, asanninnermut ikinngutiinerullu qanoq sakkortutigisinnaaneranut tunngavoq.
Filmi ”Kalaallit Nunaata ningaavanut” aamma Emmy-mut toqqagaasimasunut, Nicolaj Coster-Waldau-mit, danskit filmiliornerinut ilitsersuisullammattut toqqagaasarsimasoq Peter Flinth-imit aamma BAFTA-mi toqqagaasimasumit Joe Cole-mit ilitsersorneqarpoq.
- Filmi ilaatigut pinngortitarsuarmi filmiliarineqarput. Qimussernermilu immiunneqartut ilungersunarluinnartut Ilulissat eqqaani marsip qaammataani 2021-mi immiunneqarput. Filmimut immiussinerup sinnera sermersuarmi immiunneqarput Islandimilu studie-mi. “Against The Ice”-imi tuluttut oqaluttoqaraluartoq film danskiniit Islandimiuniillu ilitsersorneqarpoq, ilitsersueqataasoq Peter Flinth oqarpoq.
Assit siulliit trailer-ilu Netflix-imiit sapaatiummat januaarup 16-ani saqqummiunneqarput. Kikkunnullu tamamut marsip aappaani takutinneqassalluni.
Kalaallit filmiliornermi ikiuutaasut
Kalaallit nukii annertuut filmiliortunut ikiuipput. Immiussinerit piareersarneqarnerini aamma immiussinermi ikiuisoqarpoq.
Kalaallillu inussiarnersuunerat Nikolaj Coster-Waldau-mut Peter Flinth-imullu nuannaarutaasimaqaat.
- Nuummi Polorama, tassa Emile Hertling Péronard aamma Pipaluk Kreutzmann Jørgensen ikiuisuni pingaarnersaapput. Kalaallinut ikiuisussanut taakkua attaveqartuupput Ilulissanilu aamma ikiuillutik. Taassuma saniatigut Kalaallit Nunaata tunuani paasisassarsiornermi Issittumi Sakkutooqqarfik ikiuivoq. Ilulissanilu borgmesteri Palle Jerimiassen immiussinissamut piareersaanermi aamma ikiuilluni, Peter Flinth oqarpoq naggasiillunilu:
- Kalaallit Nunaanut annertuumik qujassutissaqarpunga. Oqaluttuap tunngavianut, pinngortitamut ikiuiumatuneranullu filmiliorsinnaanertinnut piviusunngortitsisuupput, Peter Flinth oqarpoq.
Filmi Ejnar Mikkelsenip atuakkiaanut ´Farlig tomandsfærd-imut” aallaaveqarpoq marsillu aappaaniit 214 millioninut Netfliximi isiginnaartartunut saqqummerseqqaarneqassaaq.
Trailer-ia ataani takuguk:
