Skip to main content

Nerukkaatissaqarniarneq artornartorujussuuvoq

Qimuttuutillit amerlasoorpassuit aningaasaqarniarnikkut ajornartorsiuteqarput. Taamaattumik politikerit maanna ikiuiniartorujussuanngorput. Apeqqutaavoq qanoq ikiuisoqassanersoq: Siumup nerukkaatissat ilanngaateqartinniarpai. Vittup tapiissuteqarnermik aaqqissuussinissaq isumaliutigaa.

Ukiut 30-it matuma siornatigut qimuttut 35.000-iupput. Ullumikkut 12.000-13.000-inut ikileriarsimapput. 1990-imiilli ukiut tamaasa qimuttut ikinnerpaamik 400-nik ikileriartarsimapput.

Allatut oqaatigalugu qimuttut amerlasuut pigineqaannarnissaat qulakkeerniarlugu qanoq iliuuseqartoqartariaqarpoq, maannalu Naalakkersuisut aaqqiissutaasinnaasumik saqqummiussipput.

– Nerukkaatissanut tapiissuteqarnermik aaqqissuussinerup eqqunneqarnissaanut periarfissanik misissuinissaq naleqqutissaaq, aningaasanut Naalakkersuisoq Vittus Qujaukitsoq (NQ) oqarpoq.

Taamatut siunnersuuteqarpoq, Siumup saqqummiummagu kissaatigalugu nerukkaatissanik pisineq ilanngaatigineqarsinnaalissasoq, Vittulu naapertorlugu isumassarsiaq taanna atussallugu naleqqutinnginneruvoq, pissutigalugu taanna taamaallaat qimmiutilinnut killilerujussuarnut atuutissammat; aliikkutaralugu qimmiutilinnut.

Akit apparneqarnissaat

Aalisartut piniartullu – takornarialerisullu – inuussutissarsiortutut ingerlatsiviup ingerlannerani aningaasartuutit ilanngaatigisinnaareerpaat, tamatumani qimuttunut nerukkaatissanut aningaasartuutit ilanngullugit.

– Tapiissuteqarnermik aaqqissuussineq imatut ilusilerneqarsinnaavoq, qimuttoqarfinni qimminut nerukkaatissanik tuniniaavinni akit appartinnissaannut tapiissuteqarluni. Allatut iliussagaanni tapiissutit naatsorsorneqarsinnaapput tunniunneqarlutillu, qimmiutillip qanoq amerlatigisunik qimmiuteqarnera tunngavigalugu, Vittus Qujaukitsoq oqarpoq.

Qimuttut atugarliornerat Inatsisartuni oqaluuserineqarsimavoq, tassanilu Siumut sinnerlugu ilaasortaq Doris J. Jensen siunnersuuteqarpoq naalakkersuisut peqquneqassasut qimminut nerukkaatissat ilanngaatigineqartalernissaanut iluaqutissat akornutissallu misissornissaannik.

Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER