Skip to main content

Nersutinik toqoraalluartoqarpoq

Savaaqqanik savanillu tunisat ukiuni tallimani kingullerni pitsaanerpaapput

Ukiaq manna savaaqqanik assartuineq toqoraanerlu naammassipput. Naatsiianik, savaaqqanik tuttunillu tigooqqaanerit siuariarfiupput.

Neqi A/S-imik piginnittoq KNI nittartakkamini allappoq.

Angusaq ukiuni kingullerni pitsaanerpaaq

Pisisartut aamma qilanaarutigisinnaavaat savaaqqat Nunatsinneersut piumaneqarluartut mamartorsuillu. Savaaqqanik tunisineq siuariarfiuvoq. Savaaqqat tunisat 8 %-mik 2018-imut sanilliullugu amerlanerupput tassa 1.376 savaaqqat amerleriaataagamik. 

- Nunap panerneranik pissuteqartumik savaaqqat agguaqatigiissillugu oqimaassusiat 0,7%-mik appariarfiugaluarpoq, taamaattorli savaaqqat toqorarneqareerneqartut katillugu oqimaassutsimikkut siuariaataat 18.842 kg-voq. Tamatuma saniatigut savat tunineqartut 6 %-mik siuariarfiupput, 2018-imut sanilliullugu 96-nik amerlanerusut tunineqarmata. 2014-mili taamatut angusaqartoqarmat aatsaat taama pitsaatigisumik angusaqartoqaqqippoq, nalunaarutigineqarpoq.

Sivisunerusumik tuttunniartoqarnera iluaqutaavoq

Tuttut Neqi-mut tunineqartut aatsaat taama amerleriartigipput. 2018-imi tuttut 61-it tunineqarsimapput, ukioq manna 159-iullutik. 

- Siuariaat tuttut 138 imaluunniit 221 %. Tamatumunnga pissutaavoq Narsap eqqaani tuttuuteqarfimmi piffissaq sivisunerusoq atorlugu katersisoqarsimanera. Taamaalilluni tuttut amerlanerusut Neqimeersut pisiniarfiit qerititsiviini siumorneqarsinnaalernissapput, KNI allappoq.

Naatsiiat 100 tons sinnerlugit

2019-mi aasarissaarnera naatitsilluartoqarneranut sunniuteqarpoq.

- Neqi A/S-imummi naatsiiat 105 tons tunineqarput. Siuariaat 54 tons imaluunniit 106 % ukiup siulianut sanilliullugu, 2019-mimi tunisat 51 tons-iinnaasimammata, KNI allappoq.

Naatsiiat amerlanerusut tunineqaannanngillat, aammattaarli naatsiiat pitsaassusii pitsanngoriarfiupput. 

- Naatsiiat Neqi-mut tunineqartut passunneqartarneri aamma pitsanngoriartinneqarpoq, tassa isugutakkunnaartereerlugit aatsaat poortorneqartalermata, taamaalilluni oqunnissaralui pinngitsoortinneqarlutik. Neqi-mut tunineqareeraagata ulluni 14-ni panerseqqaarneqartarput poortorlugit nassiussuunneqalinnginnerini. Naatsiiat pitsaassusiisa misissornerini aamma kasiilikkat ikinnerujussuusimapput, nalunaarutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER