pilluarit
Nersornaat sølviusoq Aasiaani tunniunneqartoq
Inuiattut ullorsiornermi Aasianni Nersornaat tunniunneqartoq
Inatsisartut Siulittaasoqarfiata Sørine Lennert Johansen Aasiaat sølviusumik Nersornaaserpaat ilinniartitaanermi ukiorpassuarni tunniusimalluni sulisimaneranik nersorinnissutitut.
Inatsisartut siulittaasuata tulliata siulliup Ane Hansenip ulloq 21. juni 2017 Sørine Lennert Johansen, Aasiaat, sølviusumik Nersornaaserpaa.
- Illit ukiuni 42-ni tunniusimallutit sulisimanikkut meeqqat inuusuttullu ineriartornermikkut akornutillit toqqissisimanartumik inuuneqarnissaat qularnaareqataaffigisimavat.
- Siulittaasoqarfik isumaqarpoq meeqqat inuusuttullu ineriartornermikkut akornutillit sulianut, ulluinnarni inuttullu piginnaasaqarneruleqqullugit immikkut atuartinneqarlutillu atuarfeqarnerat assut pingaaruteqartoq, Ane Hansen oqalugiaammini ilaatigut oqarpoq.