Skip to main content

Nersornaaserneqarnerminit ullualunnguit qaangiunnerini toqukkut qimaguttoq

Atorfilittaasimasoq, aaqqissuisuusimasoq oqallissaarisartuusimasorlu Peder Munk Pedersen arfininngormat Nersornaammik sølviusumik tunineqarpoq. Marlunngornerup unnuaani 71-nik ukioqarluni toqukkut qimaguppoq.

Kalaallit Nunaanni aalisarnermi sunniuteqarnerpaat ilaat marlunngornerup unnuaani ukioq ataaseq nappaassuaq kræft akioreerlugu eqqissivoq.

Vivian Motzfeldtip (S), Polar Seafoodip Aalborgimi allaffeqarfiani ullumi martsip 16-ani Peder Munk Pedersen sølviusumik Nersornaaserpaa.

Globale standarder

Nersornaatisinermini qaniginerpaasani najortigai Nersornaatillu sølviusup tunniunneqarneranut atatillugu Vivian Motzfeldt ima oqarpoq:

- Aalisarnerup iluani suliniutinik arlalissuarnik piviusunngortitseqataasimavutit, tamatumani ilaatigut aalisarneq pillugu saqqummersittakkamik Killingusaamik isumaginnittuusimallutit, aamma Sustainable Fisheries Greenlandimi, aamma Sustainable Fisheries Greenlandimi killiliussat iluini Marine Stewardship Councilip (imartat pisuussutaannik nakkutilliineq pillugu siunnersuisoqatigiit) nunarsuarmut tamarmut atuuttumik nungusaataanngitsumik aqutsivigineqarluartumillu aalisarnermut najoqqutassiai malillugit Kalaallit Nunaanni raajarniarnerup uppernarsaaserneqarnera sulissutigisimavat, Vivian Motzfeldt (S) Peder Munk Pedersen sølviusumik Nersornaaserneqarnerani oqalugiaammini oqarpoq. 

Aaqqissuisoq

Peder Munk Pedersen Kalaallit Nunaanniinnermini aviisimi AG-mi tusagassiortutut ukiuni arlalinni sulisimavoq. Kingorna aviisimi Sermitsiami aaqqissuisutut atorfeqarsimalluni. 1982-imi aaqqissuisutut atorfeqarunnaarpoq.

Peder Munk Pedersen kilisaataatileqatigiit peqatigiiffianni pisortaasimavoq, Aalisarnermi Aqutsisoqarfimmi pisortatut atuuffeqarsimalluni aammalu ilaatigut Pingortitaleriffimmi siulersuisunut ilaasortaasarsimalluni.

Kalaallit Nunaanni inuussutissarsiutit pingaarnersaanni aalisarnermi sorsuutiginnillaqqissutut taaneqarputit, sammisamilu ilisimasaqarluarlutit inuiannut kalaallinut tamanut iluaqutaaqisumik inuussutissarsiummi atugassarititaasut pillugit sorsuutiginnittuusimallutit, Vivian Motzfeldt (S) Peder Munk Pedersen arfininngormat sølviusumik Nersornaasernerani oqalugiarluni oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER