Skip to main content

Nerrivimmi arsaararnermi sungiusaasoq: Tulluusimaaqaanga!

Nerrivimmi arsaararlutik nunanut allanut unammiartartut sungiusaasuat, Otto Zeeb, unammiartut Island Gamesimi angusaat pillugit tulluusimaarpoq.

– Unammiartut Island Gamesimi angusaat pillugit tulluusimaaqaanga, nuanut allanut unammiartartut Island Gamesimi, Gibraltarimi ulluni makkunani ingerlanneqartumi, angusaat pillugit sungiussasoq aperineqarami taama akivoq.

- Unammiartuutigut immikkuualullutik sungiusarnikuupput, illoqarfinni assigiinngitsuni najugaqaramik. Taamaakkaluartoq ingerlalluarnerat assut tulluusimaarnarpoq, Otto Zeeb oqarpoq.

Nerrivimmi arsaarartartut arfinillit Gibraltarimi Island Gamesertoqarnerani peqataapput. Qeqertat 13-it unammersuarput, taakkununnga Kalaallit Nunaat peqataatitaqarluni. Unammiallu tunniussaat Otto Zeebip naammagisimaarpaa.

Ataqatigiilluartut

Otto Zeebip nassuerutigaa Island Gamesip tungaanut sungiusaaniarneq unammillernartoqarsimasoq. Unammiartut Kalaallit Nunaanni illoqarfinni assigiinngitsuni najugaqarput, ilaallu marluk Danmarkimi atuarlutik. Unammiartut taamaammat immikkuualullutik sungiusarsimapput, Danmarkimili ulluni sisamani sungiusaqatigiillutik naapisimaarsimallutik, tassani iligiikkaarluni unamminissanut sungiusarsimallutik.

- Unammisartut unamminerit tigulluarsimavaat. Unamminerit siulliit assorsuaq ingerlalluarpugut, iligiikkaarlunili unamminermi kingullermi ajorsaqqatalaarluta, Otto Zeeb oqaluttuarpoq.

Kalaallit Nunaata nerrivimmik arsaararluni nunanut allanut unammiartartui maannamut bronzennassimalerput, ullunilu tullerni unamminissani ujaminnattoqaqqinnissaq, Otto Zeebip naatsorsuutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER