Neriunnerup Qeqertaa Maniitsumi takutinneqaqqaassaaq
Alcoa pillugu piviusulersaarut Kalaallit Nunaanni takutinneqassaaq
Piviusulersaarut ‘Neriunnerup Qeqertaa’ Alcoa pillugu imaqarpoq. Taamaakkaluartoq piviusulersaarummi suliffeqarfissuaq takunganguli tusanngilarput. Tamannalu piviusulersaarummi oqariartuutigineqarpoq: Maniitsumi innuttaasut, suliffeqarfissuup allannguutissaraluanik suliffippassuarnillu pilersitsinissaraluanik utaqqisinneqarnerat.
Piviusulersaarut uani takusinnaavat
14. maj kl. 18.30 Maniitsup atuarfiata inersuaani
14. maj kl. 21.00 Maniitsup atuarfiata inersuaani
16. maj kl. 19.00 Maniitsup atuarfiata inersuaani. Maniitsumi takutitsinerit akeqanngillat
16. majimiit Nuummi, Ilulissani Sisimiunilu.
Piviusulersaarutip sisamanngornermi nalunaaqutaq 18.30 nuummi takutinneqarnerani ilitsersuisoq Sturla Pilskog, piviusulersaarusiornermilu ingerlatseqataasoq Inuk Silis Høegh assiliisartorlu Henrik Bohn Ipsen najuutissapput.
Piviusulersaarut kingusinnerusukkut KNR tv-kkut aallakaatinneqassaaq.
Kalaallit piviusulersaarusiaat unnugu Maniitsumi takutinneqaqqaassaaq. Tamatuma kingorna Nuummi, Sisimiuni Ilulissanilu takutinneqassaaq.
- Alcoamik suliniutip sooq kissaatigineqarsimanera paasisaqarfigaarput. Illoqarfimmi innuttaasup arnap utoqqaap Kalaallit Nunaanni suliniuterujussuit pillugit apeqqut pillugu akissuteqarneratut: “Inuit mingutsitsisoqarnera napparsimalissutigisinnaavaat, inuilli aamma suliffeqqanngikkaangamik napparsimalissutigisinnaavaat, filmimi ilitsersuisup aappaa, Sturla Pilskog, piviusulersaarut Maniitsumi takutinneqalerpat najuuttussaq, oqarpoq.
Piviusulersaarummi pingaarnertut inuttat pingasut Kirsten Kleist Petersen, Peter S. Olsen aamma Gideon Lyberth aamma taama isumaqarput.
Neriunnerup Qeqertaa pillugu piviusulersaarummi Sturla Pilskog Sidse T. Larsenilu ilitsersuisuupput