Skip to main content

Neriuffik ikiortissaaleqivoq

Neriuffiup maanna Nuummi nappaassuarmit eqqungaasut oqaloqatiginninnikkut ikiorsinnaanngikkallarpai. Misigissutsitigut sakkortusinnaasumik oqaloqateqarnissamut pikkorissarsimasut amigaataapput

Eqqarsaatit oqitsuinnaasanngeqaat. Tassaasinnaavoq nappaammik katsorsarneqarsinnaanngitsumik atugaqarluni inuunerup naajartornissaa – immaqa anniaaterpassuaqarluni. Taakku saniatigut asasat qimatassat isumakuluutaasarput. 

Kræftimit eqqungaasut ilaqutaallu isumakuluuterpassuaqalersarput nappaat taanna ersigisaaqisoq toqussutaasartorlu atuleraangamikku. Pingaartumik napparsimasoq isumakuluuteqartaqaaq. Nuummi Neriuffik napparsimalersimasunit nutaanit 50-it missaanniittunit ukiumut saaffigineqartarpoq atukkaminnik oqimaatsumik eqqartueqateqarnissamik pisariaqartitsisunit. 

- Nappaassuarmilli eqqugaasut ilaqutaasalu oqaloqatigineqarnerat martsimi unitsikkallartariaqarsimavarput peqatigiiffitsinni kisiartatuaalerama oqaloqatiginnittartutut pikkorissarsimasuni. Allat taamaatinnissartik kissaatigisimavaat. Kisimiilluni oqaloqatiginnittartuuneq sakkortuallaalernikuuvoq allanut aniatitsiffissaqannginnama. Oqaloqatiginnittartutut nipangiussisussaatitaavugut taamaattumik kimulluunniit aniatitsiinnarsinnaanngilanga, Nuummi Neriuffimmi siulittaasoq Birthe Kielsen oqarpoq. 

Taamaattumik ajuusaarutigigaluaqalugu Neriuffimmi siulersuisunut inassutigisimavaa oqaloqatiginnittarnerit qaammamut ataasiarluni pisartut piffissami sivisussusiligaanngitsumi unitsikkallarneqassasut. 

Ajornartorsiut pillugu AG-mi atuarsinnaavatit. Tassani atuarsinnaavatit Ida Heinrichip, nappaassuarmik kræftimik eqqugaasimasup oqaloqatiginnittarnerit amigaatigingai, aammalu Agnes Johnsen Sisimiuni kajumissutsiminik suleqataasartoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER