Skip to main content

Neriuffiit Kattuffiat efter landsmøde: Politikkikkut ukkatarineqarnera qujanarpoq

Neriuffiit Kattuffiat Nuummi Nuna tamakkerlugu ileqquusumik ukiut pingasukkaarlugit ingerlanneqartartumik ataatsimeersuarpoq.

Nuna tamakkerlugu atatsimeersuarneq ulluni juunip 4. 5. 6. aamma 7. Nuummi Hotel Hans Egede-p Akunnittarfiup ataatsimiittarfiani ingerlanneqarpoq.

Neriuffiup sinerissami immikkoortortaqarfiiniit peqataaffigineqarpoq, Namminersorlutik Oqartussanit aamma peqataasoqarluni:

- Nuannaarutigalugu nalunaarutigissavarput Naalakkersuisoq Mimi Karlsen aamma atorfilittat soorlu Peqqissutsimut Pisortaq, Nike Berthelsen ataatsimeersuarnermut peqataapput. Naalakkersuisullu pisortatigoortumik ataatsimeersuariartunut nalunaarutigivaa toqqavik illussamut Neriuffiup qinnutigisimasaa akuersissutigineqartoq aamma qaavatigut 1,5 mio. -nik tapiissuteqarlutik illup pioreersup isaterneqarnissaanut.  Saniatigullu aamma politikkikkut nappaassuarmik eqqugaasut pillugit suliat killiffiinik Nike Berthelsen aamma saqqummiivoq.

Ataatsimeersuarnerullu ingerlanerani aamma Nunatsinni Nakorsaaneqarfimmit Henrik L. Hansen, Peqqinnissaqarfimmit Nakorsaaneq Berit Bjerre Handberg aamma Nakorsaaneq Alice Juhl Petersen peqataapput, taakkualu apeqqutit kræftimut kræfteqartunullu tunngasut Neriuffimmiit paaserusunneqartut saqqummiuppaat.


Siulersuisunngortut peqataasullu atatsimeersuarnissaq naammassilluarneqarnera nuannaarutigaat kiisalu naalakkersuinikkut nakorsaqarfimmiit, kiisalu Kræftens Bekæmpelse-miit ilisimasallit tapiiartorlutik tapersersuiartortutillu, soqutiginninneq annertooq takutinneqarmat

Siulersuisunngortut sinniisunngortullu aajukua:
Siulittaasoq: Elisabeth Lynge Hansen, Maniitsoq, Siulittaasup tullia aamma Kujataani Immikkoortortanut Siunnersorti: Maren Semsen, Nanortalik, Aningaaserisoq aamma Avannaani Immikkoortortanut siunnersorti: Paninnguaq Reimer Jeremiassen, Ilulissat, Allatsi: Bodil Høyer Jensen, Qaqortoq
Siulersuisunut ilaasortaq: Nikolaj Ezekiassen.
Kiisalu:
1. Sinniisoq aamma Oqaloqatiginnittartunut siunnersorti Frederikke Reimer, Ilulissat
2. Sinniisoq Sara Sandgreen, Qasigiannguit, 3. Sinniisoq Karl Nathansen, Paamiut, 4. Sinniisoq Ane H. Zinck, Aasiaat.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER