Skip to main content

Neriorsuutit isumalluarnartut: Ukioq manna aallartinnissartik naatsorsuutigigaat

Amaroq Mineralsip ilimagisaatut 2023 ukioq tassaassaaq Nalunami kuultisiorfiup aallarteqqinneqarnera. Aatsitassarsiortitseqatigiiffiup tamatumunnga peqatigitillugu nikkelimik, kanngussammik saffiugassanillu qaqutigoortunik ujaasilluni qillerinissani pilersaarutigaa.

Piiaaneq ukioq manna aallartissaaq.

Nalunami kuultisiorfiusimasup aallarteqqinniarnera ukiuni arfineq-pingasuni sulissutigineqareersorlu, Amaroq Mineralsimit maanna oqaatigineqartut naapertorlugit kuultimik tunisassiorneq aallartinneqartussanngorpoq.

Aviisi AG taama allaaserisaqarpoq.

- 2023-p affaani kingullermi kuultimik piiaalluta aallartinnissarput naatsorsuutigaarput, Amaroq Mineralsimi pisortaaneq (CEO) Eldur Olafsson AG-mut oqarpoq.

Taassuma ilanngullugu ilisimatitsissutigaa, aatsitassarsiortitseqatigiiffik piiaanerup aallartinnerata kingornagut imaluunniit aallartinneranut atatillugu suliffissuarmik suliareqqiisarfimmik pilersitsiniartoq.

- Pilersinnissaanut atortussat pingaarnerit pisiarereerpavut, Eldur Olafsson oqarpoq. Aatsitassarsiortitseqatigiiffik AEX Goldimik atserneqarluni 2014-imi pilersinneqarpoq, tamatumani siunniunneqarluni piiaaffiup ingerlateqqinnissaa aatsitassarsiortitseqatigiiffiullu Nalunap piiaanissamut akuersissutaanik pissarsiniarnissaq, piginnittuusummi piiaanertik 2013-imi taamaatimmassuk.

Amaroq Mineralsimmi decembarimi 2019-imi neriuutigisimagaluarpaa, aappaaguani piiaanerup tunisassiornerullu aallarteqqinneqarsinnaanissaa. Coronalli nunani tamalaani tuniluunneranit pilersaarutit kipusoortinneqarput, minnerunngitsumik Nunatsinni tunillaassuuttoqarnera minnerpaaffianiitinniarlugu Namminersorlutik Oqartussat inuiaqatigiinnik matusinerisa kingorna.

Tamatuma kinguneranik Nunatsinnit angalaniartut tikittussallu tamarmik killilersorneqalermata Nalunamut pilersaarut aamma kinguaattoorutaasimasoq, Eldur Olafsson nassuiaavoq. 

Allaaserisaq tamaat AG-mi uani sapaatip akunnerani saqqummersumi atuaruk. Uani isissutissarsigit:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER