Neriniartarfiutilittut nuimanerit inuunerminni suliffeqarfittut ingerlatartik tunigaat
Carl Juhl aamma Helge Tang ukiuni 44-ni Kalaallit Nunaanni unnuakkut inuunermut akuulluareerlutik Godthaab Bryghus tunigamikku inuussuissarsiumminnik ingerlatsiunnaarput.
Helge Tangip Carl Juhlillu ”Godthaab” 1988-imi pisiaraat, taamanerniilli illuutigisaq niuernerillu malunnaatilimmik ineriartortinneqarsimapput. Ilaatigut pisiarisartik 1999-imi allanngortillugu sanavaat, Nuummi bowlingertarfissuarmik aamma pilersitsillutik.
- Ukiuni 44-ni unnuakkut inuunermut peqataasareerluta ukioqqortusiartuleratta unittariaqalerluta isumaqarpugut, Helge Tang oqarpoq.
Ilanngulluguli oqaatigipallappaa, tunisinerminnut atatillugu taamaallaat unnuakkut sassaallertarnermit tunuarluni.
Akunnittarfimmik ingerlatsiinnassasut
- Assigiinngitsutigut suli arlinnik suliaqarpugut. Ilaatigut Hotel Hans Egedep ineriartortittuarneqarnissaa, minnerunngitsumillu akunnittarfissap nutaap HHW Expressip ukioq manna apriilip qaammataata arfernani ammarneqartussap atuutsinneqalernissaa sulissutigaavut.
Tassa illuutit, soorlu ingerlatseqatigiiffiusut ullumi Laarseeraq C. Egedemut aamma Nicolaj Haagenimut Repensomeersunut tunivavut.
Daddy’s, Godthaab / Red Dragon aamma Takuss kiisalu immiorfik tunineqarput.
Suleqatigiit illut, Kristinemut, Tullimut aamma Esmeraldap atuuffigisaat pigiinnarpaat, Taakkuli allanut attartortinneqarlutik
Ullumi siusinnerusukkut Hecamit nalunaarutigineqarpoq, Manhattan Nightclub arfininngormat ukiuni 14-ingajanni atuutereerluni matuneqartoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...