Neriniartarfik Kalaallit Nunaanni neriniartarfimmik ammaaqqittoq
Nerisassanik kissaannarianik neriniartarfik Sunset Boulevard Ilulissani neriniartarfimmik ammaavoq. Neriniartarfik Nuummi neriniartarfiuteqareerpoq.
Danmarkimi nerisassanik kissaannariaasunik neriniartarfik Sunset Boulevard Ilulissani burgerinik, pommes fritesinik sandwichinillu septembarip 23-aniit tunisaqarsinnaalissaaq.
Neriniartarfik Nuummi 2020-mili ingerlatsisimasoq neriniartarfimmik nutaamik ammaalerpoq.
- Ilulissani innuttaasut neriniartarfiutissatsinnik qanoq tigusilluartigissanersut takunissaa qilanaaraarput, neriuutigaaralu neriartortarniartut Nuummisulli akuersaartigissagaatigut.
- Neriniartarfiutitta ineriartortinneqarnissaanut allilerneqarnissaanullu periarfissat misissortuarpavut, Ilulissanilu ammaanissarput eqqortumik alloriaqqinneruvoq, Sunset Boulevardimi pisortaaneq Jesn Broch tusagassiorfitsigut nalunaaruteqarnermi oqarpoq.
Sunset Boulevardimit ilisimatitsissutigineqarpoq, Ilulissani neriniartarfimmik ammaanikkut Kalaallit Nunaanni neriniartariit katillugit marluulissasut, Savalimmiuni ataatsimik neriniartarfeqarpoq Danmarkimilu 40-nik neriniartarfeqarluni.