Skip to main content

Neriniartarfiit: Unioqqutitsilluni immiaaqqanik nioqquteqartarneq annertuseriarujussuarpoq

Imigassamut inatsit ilaannakuusumik atorunnaarsikkiartuaarneqalersinnaavoq. Neriniartarfeqarnermik imerniartarfeqarnermillu suliaqarfimmit naammagittaalliuutigineqarpoq, Demokraatillu inissisimaffigiligartik allannguuteqartitsiniarnissamut atorniarpaat.

Imigassamut inatsimmit nutaamit neriniartarfiit imerniartarfiit ulluni tamakkiisumik ilaannakuusumilluunniit matoqqatinneqarfigisaanni nittartakkat inuit naapeqatigiittarfii aqqutigalugit biilillu usisarfiinit imigassamik unioqqutitsilluni tuniniaasarneq annertuserujussuarsimavoq.

AG allapoq.

Sulisitsisuni akunnittarfinnut neriniartarfinnullu ataatsimiititaliap siulittaasua, Helge Tang, Inatsisartunut ilaasortanut 31-nut allakkani taama allappoq. Taanna AG-mut ilassuteqarluni oqarpoq, unioqqutitsilluni nioqquteqartarneq aqunneqarsinnaajunnaavissimasoq.

Facebookikkut tuniniaaneq

- Facebookimi susoqarnersoq kialuunniit paasiniarsinnaavaa. Imigassamik tuniniaasoqartarpoq, oqarpoq.

Helge Tang Nuummi Hotel Hans Egedemik piginneqataasoq naapertorlugu, imigassamut inatsit pitsaanngitsunik siunertarineqanngitsunillu arlalissuarnik nassataqarpoq.

- Suliaqarfimmut ataatsimiititaliamut ukiuni 35-ni siulittaasuusimavunga, oqaannartariaqarlungalu: Pineqartoq neriunaateqanngilluinnarpoq. Najukkami immiaraaliortartut tunisassiaminnik nittarsaasseqqusaannginnertik pissutigalugu kaaviiaartitarpassuarnik annaasaqarput, uffa Tuborg Carlsbergilu ilaatigut tv-kanalit nunanit allaneersut aqqutigalugu ussassaarinermi piffissarujussuarmik tunineqartartut, oqarpoq.

Angerlarsimaffinni erngunnerit

Piffissallu matoqqatitsiviusartut aamma kipiluttunarsiortitsipput. Helge Tang politikerinut saaffiginnissutimini ajornartorsiutinik erseqqissaassuteqarpoq:

- Inatsisip marsimi atuutilerneranit misilittakkanit takutinneqarpoq, ullut neriniartarfiit imerniartarfiillu tamakkiisumik ilaannakuusumilluunniit matoqqatinneqarfigisaat inuiaqatigiinni ajornartorsiutinik pilersitsisartut. Taava angerlarsimaffinni erngunnersuaqartarpoq, meeqqat eqqaamiullu akornusersorneqarfigisaannik. Illoqarfissiortullu siusinnerusukkut pissutsini aaqqissuussaasuni nuannisartussaagaluartut aqunneqarsinnaanngitsumik imigassartupiluulersarput, allappoq.

Allaaserineqartoq aviisimi AG-mi tamakkiisumik atuarneqarsinnaavoq. Aviisi uani pisariuk:
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER