Skip to main content

Neriniartarfiit ornigarneqarluarput

Nuummi neriniartarfiit Valentiinap - asanninnerup ulluani - ornigarneqarluartut

Neriniartarfinnut sianeqattaarnitsinni paasivarput marlunngornernut allanut sanilliullugu neriniartarfinni nerrivinnik marlunnik inniminniisut amerlanerujussuat.

Ullumi Valentiinap ulluani februaarip 14-ni neriniartarfiit suuneri apeqqutaatinneqaratik nerrivinnik inniminniisut naliginnaasumit amerlanerupput.

- Innimiinniisut naliginnaasumik amerlanerupput, neriniartarfinni marlunni ingerlatsisuusoq Herefordimi Sarfilimmilu Hotel Hans Egedep qulaanitumi pisortaasoq iluarisimaarluni Jørgen Bay-Kastrup taama oqaluttuarpoq. Sarfalimmi Valentiinap ulluanut atatillugu immikkut nerisassiortoqassaaq immikkullu akeqartinneqassallutik.

- Nerrivinnik marlunnik inniminniisoqarnerusoq paasissutissiaraa.

Arnanut ruusat

Neriniartarfik alla Charoen Porni nerriviit marlukkaat 40-rut piareersarlugit ulapputileruttorput, Valentiinallu ulluanut atatillugu immikkut aamma nerisassiaqarput. Naliginnaasumik thailandimiusut nerisassaarniarfimmi nerriviit sisamakkaartarluarput.

- Ini asannippalaartinniarsariniarparput. Nereqatigiinnerli naammassippat arna ruusanik tunineqassallutik, Charoen Pornimi allaffimmioq Isabell Hanseni paasissutissiivoq.

Neriniartarfiup Bonesip ulikkaaqqanissartik ilimagaat, asasamillu neriartoqateqarusukkaanni tukumasariaqarluni.

Wikipediali malillugu ilisimatuut isumaqatigiinngissutigaat Valentiinap ullua ruumamiut nalliuttorsiorfiannut Lupcercaliamut attuumassuteqarnersoq. Ruumamiut guutiat Lupercusi ataqqiniarlugut festivaalertoqartarsimammat.

Annilaarnartumik tunngavilik

Wikipediami annilaarnartumik tunngaveqarnera ima allaaserineqarpoq:

- Nalliuttorsiorneq ukioq 496-imi paavip Gelasiusiup pilersitaraa ruumamiut palasiannut Valentinamut tunngatillugu. Kinaaneralu suli qularineqarpoq. Oqaluttuamilu iluartulersaarummi kaasarip Claudius aappaata ruumamiut sakkutuuvi kateqqunagit nuliassiartaaqqunagillu peqqusimavai, Valentiinallu tamanna ataqqinagu sakkutuut inuusuttut katitittarsimallugit. Paasineqaramili parnaarussaasimavoq februarilli 14-ni niaquigaalluni toqutaavoq. Ruumami katuullit oqaluffiata toqutaaneranut atatillugu iluartuutitaq Sankt Valentiinamik atserlugu, Wikepidia taama allaaserinnippoq. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER