Skip to main content

Neqinut siunnersuut akerleriiffiusoq tunuartippaat

Naalakkersuisut ullumi nalunaarput nerisassanik nakkutilliinissamik siunnersuutertik akisooq tunuartillugu

Piffissami matumani naalakkersuisooqatigiit inatsisissatut siunnersuutaat tunuarteqattaarneqalerunarput.

Sapaatip akunnerani kingullermi akitsuutinut siunnersuut 70 millioner koruunit inulaarlugit aningaaasartalik, aningaasaqarnermut naalakkersuisup Anda Uldumip (D) nalunaarutigaa naammattumik tapersersorneqanngitsoq.

Maannalu tamanut saqqummiuteqqammerpaat nerisassanik nakkutilliinissamik allannguutissatut siunnersuut tunuartinneqartoq.

– Inatsisartunut ilaasortat ullumi nerisassanut Inatsisartut inatsisissaaatut siunnersuut oqaluuserisussaagaluarpaat. Immikkoortorli tunuartinneqarpoq, Naalakkersuisut qinnuteqarnerisigut. Taamaasilluni oqaluuserisassatut immikkoortoq taanna ukiakkut ataatsimiinnermit peerneqarpoq, tusagassiorfinnut nalunaarummi allassimavoq.

Siunnersuutigineqaraluarpoq nerisassanik nakkutilliinermi allannguutissaq, tassuuna ilaatigut toqoraaviit nersummut ataatsimut toqutamut nutaamik 10-15 koruuninik akiliisinniarneqarlutik, nerisassanik nakkutilliisut ornigukkaangata.

Siunnersuutip marlunngormat nassuiaatitaqanngitsumik tunuartinneqaannarnerata kingorna Sermitsiaq.AG-p taassuma immikkoortortai pissarsiariniaraluarpai, kinguneqanngitsumik.

Namminersorlutik Oqartussanut nalunaarut innuttaasunik silatuneruvallaalersitsigunanngilaq.

Tusagassiorfup uuminnga allaaserinnittup qanittukkut aalisarnermut, piniarnermut nunalerinermullu naalakkersuisoqarfimmi pisortaq Jørgen Isak Olsen attaveqarfigimmagu taanna naatsumik akivoq: ´Oqaaseqarfigisinnaanngilara´.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER