Neqi miliuunilikkaanik ikiorserasuarneqartoq
Aningaasanut inatsisissap isumaqatiginninniutigineqarneranut atatillugu Neqi immikkut ittumik 4,5 millioner koruuninik aningaasaliiffigineqarpoq.
KNI-mi kanngunartuliortoqarsimanerata kinguneranik Neqi KNI-p aqutatut ingerlatseqatigiiffiutaa aningaasatigut ajornartorsiulersimavoq, nammineq aningaasaatai 6,8 miilioner koruuninik sinneqartoorfiusimariarlutik 29,4 millioner koruunik amigartooruteqarfiusimapput.
Ajornartorsiornerup malitsigisaanik Inatsisartuni politikkerit miliuunilikkaanik ikiorsiigasuarput, Namminersorlutik Oqartussat toqoraaviutaata 2022-mi ingerlatseqqinnissaa qulakkeerniarlugu.
Tamanna Aningaasaqarnermut Akileraartarnermullu Ataatsimiititaliap isumaliutissiissutaani, aningaasanut inatsisissap marlunngornermi pingajussaanik suliarineqarnissaa sioqqullugu Inatsisartunut tunniunneqarsimasumi atuarneqarsinnaavoq.
Ikiorsiigasuarnermi Neqip kiffartuussinissamik Namminersorlutik Oqartussanut isumaqatigiissutaa 2022-mi 4,5 millioner koruuninik qaffaaffigineqarpoq.
- Pisoq ilungersunartoq
Aningaasaqarnermut Akileraartarnermullu Ataatsimiititaliamit erseqqissaassutigineqarpoq, KNI pillugu suliap qanoq ingerlaneranik ataatsimiititaliap Inatsisartullu ilisimatinneqartarnissaat naatsorsuutigineqartoq:
- KNI-p aqutatullu ingerlatseqatigiiffiutaasa imaannaanngitsumik inissisimanerat ataatsimiititaliamit qularutigineqanngilaq, ataatsimiititaliaq isumaliutissiissutimini allappoq.
Ukiut tulliuttut ingerlarneranni Neqimut immikkut aningaasaliissuteqarnissamut immikkoortitsisoqarsimanngilaq, Naalakkersuisulli ilisimatitsissutigaa, 2022-p ingerlanerani Neqip KNI-llu aningaasaqarnikkut ajornartorsiornerat piffissaq ungasinnerusoq eqqarsaatigalugu aaqqiissutissarsiorfigineqarniartoq, tamanna Aningaasaqarnermut Akileraartarnermullu Ataatsimiititaliamit taperserneqarpoq.
Læs hele sagen:
-
KNI har rod i regnskaberne
-
KNI fejer regnskabsfusk ind under gulvtæppet
-
Pustes et lager op påvirker det overskuddet
-
Uvildig undersøgelse af KNI-sag
-
Tilliden skal genoprettes
-
Tatiginninneq pilerseqqinneqassaaq
-
Sådan blev KNI-regnskab manipuleret
-
KNI-bestyrelse vil afvente politiets efterforskning
-
KNI-mi siulersuisut politiit paasiniaanerat utaqqeqqaarniarpaat
-
KNI ramt af corona-restriktioner