Skip to main content

Naviarnartorsiornermi sumiissusersiummik aallartitsisoorneq isumalluutinik atuinerujussuarmik kinguneqartarpoq

Qaamatip kingulliup ingerlanerani angallatinit arfineq-pingasuusunit navianartorsiornermi sumiissusersiummik nassitsisartunik aallartitsisoornerit oqartussanit ulapputigineqartarsimapput.

Angallatini kukkulluni kallerisaarinerit naviarnartorsiornermilu sumiissusersiummik nassitsisartunik aallartitsisoornerit oqartussat isumalluuterpassuarnik atuiffigisarpaat, taamaammat Issittumi Sakkutooqarfip Facebookimigut angalasartunut qinnuiginnippoq:

- Navianartorsiornermi kalerrisaarummik atortoqartilluni mianersuullugu paarinissaa angallattarnissaalu innersuussutigerusupparput - minnerunngitsumittaaq ikasarluni misileraannarluguluunniit toorneqannginnissaa innersuussutigalugu, Issittumi Sakkutooqarfik allappoq.

Sakkutooqarfimmit erseqqissaassutigineqarpoq, kukkulluni kalerrisaarinerit nalinginnaasumik piaaraluni nassiunneqarneq ajortut – imaassinnaavoq, illit EPIRB-it natermut nakkaallugu imaluunniit Garmin Inreach pooqattavit iluaniitillugu kalerrisaaraluni SOS-erniarluni toortaataa toortoorneqartoq. 

Aningaasarpassuit asuli atorneqartartut

Qaammat kingulleq aallartitsisoornerit arfineq-pingasut Issittumi Sakkutooqarfimmit tiguneqarsimapput, sakkutooqarfimmiillu ilisimatitsissutigineqarpoq, kalerrisaarisoqartillugu imaluunniit ajunaalernermi nalunaartoqartillugu upalungaarsimallutik suliaqartut arlallit aallartinneqartartut aamma qulimiguullit, umiarsuit imaluunniit timmisartut aallartinneqartartut.

- Aningaasarpassuit nukippassuillu tamatigut maangaannartinneqartarput soorlu ’angallat navianartorsiorsorisaq’ tulattarfimmiinnerata navianartorsiortoqannginneratalu paasinissaata tungaanut, Issittumi Sakkutooqarfik allappoq.

Kukkulluni kalerrisaarinerit atortunik atorneqarsinnaasunik ajornartoqavittoqassagaluarpat ujaasinissami atugassaagaluartunik killeqalersitsisarput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER