Nato-p Atlantikup avannaani anusinngorsaaneranut sorsuuteeraq sakkutuunik 135-nik inuttalik ikiuukkiartortillugu Danmarkip aallartissavaa.

Det Udenrigspolitiske Nævn sisamanngornermi ataatsimeereersoq, Illersornissamut ministeeriaqarfik tusagassiorfitsigut nalunaaruteqarluni allappoq. Tamanna pillugu illersorsornissamut ministeri Morten Bødskovq (S) aamma nunanut allanut ministeri Jeppe Kofod (S) Folketingimut ilisimatitsissuteqarsimapput.

Illersornissamut minisetip Sermitsiaq.AG-mut itisilerlugu oqaatigerusussimanngilaa, immikkut suliaqarniarneq Kalaallit Nunaata eqqaani piniarnersoq. 

- Suliassat eqqarsaatigalugit, ilisimatitsissutigineqareersut saniatigut hangarskibet sumiinniarnersut ilisimatitissutigisinnaanngilavut, taanna oqarpoq.

Danmarkimit sorsuuteeraq Iver Huitfeldtitut ittoq ikiuukkiartortinneqassaaq.

Immikkut suliaqarneq USA-mit aqunneqassaaq. Tamatuma saniatigut Canadamit, Frankrigemit, Spaniamit Hollandimillu nalunaarutigineqarsimavoq, hangarskibet peqataatikkiartorneqassasut.

Oqariartuut pingaarutilik

Tamatuma saniatigut timmisartut sorsuutit F16-it sisamat aggustimi aallartinneqassapput. Taakku Islandip silaannartaani Nato-p immikkut suliaqarneranut sapaatip-akunnerini sisamani peqataatinneqassapput.

Illersornissamut ministerip oqaatigaa, sakkutuut 65-it "oqartussaaffimmik isumaginninnissamut" ikiuutissasut.

Illersornissamut ministerip Morten Bødskovip (S) tusagassiortunik naatsumik katersortitsinermi oqaatigaa, Europami ataqatigiittoqarneranik tamanna pingaarutilittut oqariartuutaasoq.

- Europami sorsuttoqarpoq. Tamatuma Europa allanngortilluinnarsimavaa, Morten Bødskov oqarpoq.

- Pingaaruteqarpoq oqaatigissallugu Europami taamatut inissisimasoqarnerani ataatsimoortugut, Morten Bødskov oqarpoq.

Danmarkip suliassat taakku assigiinngitsut saniatigut Hormuzstrædetsimi nakkutilliisarnini sivitsorsimavaa.