Narsarsuarmi ivigaasanik arsaattarfittaarnissaa kissaatigineqarpoq

Kommune Kujallermi ivigaasanik arsaattarfimmik pilersitsisoqaqqinnissaa siunnersuutigineqarpoq.

Kommunalbestyrelsimut ilaasortap Naja Lundip Narsarsuarmi ivigaasanik
arsaattarfiliortoqarnissaa siunnersuutigaa.

Sunngiffimmi neqeroorutit

Mittarfik matuppat Narsarsuup nunaqarfittut matuneqartussaannginnera kiisalu innuttaasunut
sunngiffimmi neqerooruteqarnissamik kommunalbestyrelsip pisussaaffeqarnera Naja Lundip
siunnersuummini tunngavilersuutigaa, Kommune Kujallermi kommunalbestyrelsip ataatsimiinneranit allaqqasoqarpoq.

- Inuit qassit Narsarsuarmi najugaqaannarnissaat massakkut ilisimaneqanngimmat Narsarsuarmi imaluunniit kommunimi nunaqarfinni ivigaasanik arsaattarfeqarnissaa immikkut oqaluuserisassanngorlugu Atuarfinnut, meeqqerivinnut, kulturimut sunngiffimmut
suliffeqarnermullu ataatsimiititaliami oqaluuserineqarnissaa tulluarnerpaasorineqarpoq, Naja Lund siunnersuummini allappoq.

Kommuni pingasunik ivigaasaaqqanik arsaattarfeqarpoq

Aningaasaqarnermik inuussutissarsiornermik ingerlativiup inassutaa akuerineqarpoq, ataatsimiititaliamut susassaqartumut paasissutissiinertut ingerlatinneqarluni.

Kommune Kujallermi Narsaq, Qaqortoq aamma Nanortalik ivigaasaaqqanik arsaartarfeqarpoq, pilersinneqarneri katillugit 18,3 million koruuninik akeqarluni.