Narsarsuarmi ilungersunartorsiorneq: Savimmik toqutsinermut ukiunik qulingiluanik piumasaqartut
Angut inuusuttoq arnamik 62-inik ukiulimmik toqutsisimasutut arnamillu inuusunnerusumik savimmik toqutseriarsimasutut unnerluutigineqarpoq. Arnaq toqusuusaarsimavoq taamaalillunilu annassimalluni, unnerluussisussaatitaasut ilimatsaassipput.
Angummut 19-inik ukiulimmut Qaqortumi inunngortumut eqqartuussivimmi suliamut unnerluussutit allattorsimaffiat atuarlugu amiilaajummernartuuvoq. AG allappoq.
Taanna arnamik 62-inik ukiulimmik savimmik timaatigut kiinaatigullu kapuisimasutut kilertiterisimasutullu naggataatigut qungasia pilallugu ikiliisimasutut unnerluutigineqarpoq. Tamatuma saniatigut unnerluussutit allattorsimaffiat arnamik 40-t qeqqanni ukioqartumik toqutseriarsimanermik, taamatuttaaq savimmik, aamma imaqarpoq.
Arnap inuusunnerusup periataallaqqinnerata arnatut utoqqaanerusutut toqutaanissaraluaninngarnit annaassimagunarpaa. Unnerluussutimmi allattorsimaffiat naapertorlugu taanna angummik kiinnamigut timimigullu kapoorneqarlunilu kilersiterneqareerluni qungatsimigullu ikilerneqareerluni toqusuusaarsimaavoq.
Unnerluutigineqartoq arnaq 45-nik ukiulik toqusimasoq isumaqalerami inimukarsimavoq arnarlu 62-inik ukiulik toqussimallugu; taamaalinerani arnaq inuusunnerusoq inissiamit qimaasinnaasimavoq. Taanna unnerluussutit naapertorlugit arlalinnik suliarineqartariaqartunik sualuttunik ajoqusersimavoq, ilaatigut qungatsimmigut 8 centimeterinik takissusilimmik 1,5 centimeterinillu itissusilimmik ikilerneqarsimalluni.
AG-mi ilanngutassiaq tamaat atuaruk – ugguuna iserfigisinnaavat: