Kunngikkormiut tikeraarnerat
Narsaq: Kunngissaq poqersoq
Narsami plejehjemmimi najugallit namminneq aalajangersimavaat kunngikkormiut pulaarnerat qanoq ingerlassanersoq
Narsami Utoqqaat Illuanni kunngissap nulia Mary tallimanngormat Mariane Lundimit, 95-inik ukiulimmit, naasunik tunineqarpoq. Leiff JoefsenIppassaq tallimanngornermi aggustip 2-anni kunngissakkut Narsamut tikimmata umiarsualivimmi inuppassuit tikilluaqqusipput. Leiff JoefsenKunngissakkut tallimanngormat Narsamut tikipput. Leiff JoefsenChristian, Isabella, Minik aamma Ivalo tallimanngormat ualikkut Narsap umiarsualiviani. Leiff JoefsenIlaqutariit kunngissakkut Narsamut tikinnerminni umiarsualivimmi utoqqaat ilassivaat. Leiff JoefsenNarsami utoqqaat kunngikkormiut meerartaat takullugit nuannaraat - aanna prins Christian ilassineqartoq. Leiff JoefsenKunngissap Frederiup tallimanngormat ualikkut Narsami Neqi pulaarpaa. Leiff JoefsenKunngissap tallimanngormat Narsami Eqqumiitsuliortut Sannaviat pulaarpaa. Kunngissap nulia kulturip illuani A-21-meereerluni takkuppoq. Leiff JoefsenInuussutissalerinermik ilinniarfimmut Inuili-mut pisuttuarpoq ilaatigurt borgmester Jørgen Wæver Johansen Naalakkersuisullu siulittaasuat Aleqa Hammond ilagalugit. Leiff JoefsenNarsami Inuili-mi ilinniartut tallimanngormat ualikkut kunngikkormiunut malitserpasuinullu pindemad-inik sassaalerput. Leiff JoefsenNarsami Inuili-mi sulisut tallimanngormatl kunngikkormiut aliikkusersoraat, Maryll meeqqat oqaloqatigalugit nuannaraa. Leiff Joefsen74-inik ukiullip Magdalene Frederiksenip, Utoqqaat Illuat, kunngikkormiut pulaarnerat nuannaarutigaa: – Allanik atisalerusussimagaluarpunga, mikigilersimavakkali. Leiff JoefsenKunngissap nuliata Maryp tallimanngormat Narsami utoqqaat illuanni najugallit nuannisaqatigai. Leiff JoefsenKunngissakkut tallimanngormat unnukkut Alluitsup Paanut ingerlaqqinnginnerminni Narsami katersugaasivik pulaarpaat. Leiff Josefsen
Leiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff JoefsenLeiff Josefsen
Kunngissaq ilaqutaalu tallimanngormat ualikkut Narsamut tikipput, tassanilu ilaatigut utoqqaat illuat pulaarlugu.
Utoqqaat rullestolertut, utoqqaat isigiarrsuttut, utoqqaat tusilllassimasut.
Kunngissap nuliatalu tamaasa piffissaqarfigaat.
Illoqarfimmi utoqqaanerpaaq Marianne Lund, 95-inik ukiulik, naasunik tunisisuuvoq.
Taanna tusilartorujussuuvoq taamatuttaarlu isikujooqaluni, taamaattumik nipitoorujussuarmik oqarfigineqarpoq kina saavaniinnersoq: Kunngissaq.
Pisortatigoortut naammassereermata kunngissakkut najugaqartut 31-t akornanni angalaarput ilassinnillutik. Piffissap ilaani Frederiup arnaq utoqqaq issiavimmi issiasoq tikippaa ilassillugulu, taannali qisuarianngimmat siutaa qanillillugu oqarfigaa "Kunngissaq", arnarlu utoqqaq qungujuppoq.
74-inik ukiullip Magdalene Frederiksenip nuannaarutigisorujussuuvaa kunngissakut utoqqaat illuannut pulaartussaammata. Atsiani misissorsimavai.
– Allanik tungujortunik atisalerusussimagaluarpunga, mikigilersimavakkali, taanna illarluni oqarpoq.
Narsami aappariit avissaarput, kunngissap nulia Mary kulturip illua A21 pulaarlugu, kunngissallu toqoraavik Neqi pulaarlugu. Eqqumiitsuliortut sannaviat, inuussutissalerinermik ilinniarfik Inuili katersugaasivillu aamma pulaarneqarput.
Narsameereerlutik Aluitsup Paanut ingerlaqqipput arfininngormallu ullaakkut tikillutik.
