maajip aallaqqaataa
Narsaq: Erlasasulisartoqareersoq bingortitsisoqarpoq
SIP-ip illutaanit kommunip allaffeqarfiata tungaanut katersortarfimmullu pisarnertut ingerlaaqatigiittoqarpoq
Ingerlaaqatigiittut ukioq manna amerlanerulaarput, 30-it 35-illu missaaniillutik, meeqqat aamma ingerlaaqataanermi Narsami peqataapputtaaq.
Katersortarfimmut apuutereernermi kingorna meeqqat arpannermi unammisinneqarput, Jonas Joelsen ajugaalluni, Nunu Egede Brandt aappaattut inissippoq, kiisalu Justine Isaksen pingajuattut apuulluni.
Katersortarfiup iluani kaffeqarpoq teeqarlunilu, erinarsoqatigiittoqartarlunilu kalalaallit kaagiat aamma sassaalliutigineqarluni.
Naak peqataasussat?
SIP-ip siulittaasuata Helga Gotfredsenip Narsami suliffissaaleqinerujussuaq eqqartorpaa.
Marlunnilli nuannaarutaasinnaasunik eqqartuivoq, tassa SIK GA-lu isumaqatigiissuteqarmata kiisalu aningaasarsiat pillugit isumaqatiginninniarnerit isumaqatigiissutigineqarsimanerat aamma nuannaarutigineqarluni.
Oqalugiartoqareersoq bingortitsisoqarpoq.
Sulisartut 30-it missaannaat ingerlaaqatigiinnermi peqataapput, naak illoqarfimmi suliffissaaleqisoqaraluartoq. Kommunalbestyrelsimi ilaasortat, partiiniluunniit arlaannit ilaasortat ingerlaaqatigiinnermi peqataanngillat.
Assit ataani takukkit