Narsamut fibernetsimik attaviliisoqalersoq

TelePostip Qaqortup Narsallu akornanni fibernetsimik attaveqaatpilersinneqalerpat innaallagissap aqqutaani napparussuit atorniarpai.

NNarsarmiut internettimut attaveqaatinik pitsaanerusunik qilanaarinnissinnaanngorput Tele-Post sapaatip-akunnerata tulliani Qaqortumit fibernetkabelimik ikkussuilissammat. Aviisi Sermitsiaq taamatua allappoq.

– Qaqortup Narsallu akornanni fibernettimik attaveqaammik pilersitsiniarluta maanna
aallartilerpugut, tamatumanilu Nukissiorfiit illoqarfiit taakkua akornanni innaallagissap aqqutaani napparussuaatai atussavavut, Tele-Postimi teknikkimut pisortaq, Jonas Hasselriis, oqarpoq.

– Suliniut Tele-Postip aamma Nukissiorfiit akornanni suleqatigiinneq, 2019-imi pilersinneqartoq, tunngavigalugu piviusunngortinneqassaq. Suliniut 2019-imi naammassineqartussaasimagaluarpoq, kisiannili kinguaattoorsimalluni taamaammallu ukioq mannamut kinguartinneqarsimaalluni.Fibernettimik attaveqaammik pilersitsiniarluni suliaq maanna aallartippoq ukiullu naannginnerani naammassineqarsimassalluni.

Fibernetsimik pilersitsineq sanaartornermik suliffeqarfik AK Montage, Tele-Postimit sinerissami telemi attaveqaatini teknikkikkut suliassanut atatillugu siusinnerusukkut atorneqartarsimasoq, suleqatigalugu suliarineqassaaq.

Sulisut sungiusartinneqartut

– AK Montagemi sulisut suliartortussat maannakkorpiaq Qaqortumiipput maskiinanillu atortunillu allanik fiberkabelip innaallagissap aqqutaatigut siaarneqarneranut qilersuunneqarneranullu atortussanik atuinissamut sungiusarneqarlutik. Siusinnerusukkut sungiusarneqareersimapput, kabelilersuinermilli suliaq aallartitsinnagu ilikkagarisimasaminnik eqqaaseqqinneqartussaallutik, Jonas Hasselriis oqaluttuarpoq.

Ilanngutassiaq tamaat aviisimi Sermitsiami atuaruk.

Powered by Labrador CMS