Skip to main content

Narsamit kajumissaarut: Ikiorserneqarnissamik pisariaqartitsivugut

Kommune Kujallermi kommunalbestyrelsimi ilaasortap Avaaraq Olsenip (IA) Kujataani illoqarfimmut Naalakkersuisut tikeraarnissaat kajumissaarutigaa

Narsami innuttaasut quliugaangata minnerpaamik ataaseq sulisinnaagaluarluni suliffeqarneq ajorpoq. Suliffissaaleqineq annertuvoq, isumaginninnikkut suliassat qaleriiaaginnavipput.

Kommune Kujallermi kommunalbestyrelsimi ilaasortaq, Avaaraq Olsen (IA), Naalakkersuisut Narsamukarnissaannik kajumissaarisoq taama aoqarpoq.

Atuaruk: Naalakkersuisut Qaanaami innuttaasunik ataatsimeersuartitsissapput

Ajornartorsiutit nammineq aaqqissinnaanngikkaat
- Kommune Kujalliup ajornartorsiutit nammineerluni aaqqiivigisinnaasimanngilai, taamaattumillu avataanniit ikiorserneqartariaqarluta, IA-mi politikeri erseqqissaavoq.

Tassami sapaatip-akunnerata kingulliup ingerlanerani nutaarsiassani paasisaqarfigaa, Naalakkersuisut tamangajammik Qaasuitsup Kommunia peqatigalugu Qaanaamiissimasut.

Taamaattumillu taassuma Naalakkersuisut Kujataani illoqarfimmiittumut tikeraaqqullugit kajumissaarivoq.

Inuussutissarsiornikkut periarfissat
- Kingorna (Qaanaami, red.) pissarsilluarsimallutik oqariartuuteqarput, tamannalu ajunngilluinnarpoq. Aamma maani Narsami periarfissat pillugit eqqartuinneqataarusoqaagut. 

Taamaattumik Kommune Kujallermi borgmesteri taamatullu Naalakkersuisut tamakkerlugit Narsaliaqqullugit kajumissaarusuppakka, maani innuttaasunik naapeqatiginnikkiartoqqullugit. Suleqatigiiffinnik pilersitsisaqattaarluta inuussutissarsiornikkut periarfissat eqqartuiffigitigit, taamaasioruttami tamanna illoqarfimmut, kommunimut landskarsimullu iluaqutaasussaassammat, Avaaraq Olsen oqarpoq.

Atuaruk: Narsami atuarfik paatsiveqanngitsoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER