Skip to main content

Narsami tunillatsittup qinersineq sunnissanngilaa

Narsami innuttaasoq coronavirusimik tunillatsissimasoq ippassaq pasineqarpoq. Tunillatsissimasorli ataaseq pissutigalugu kommunimut aamma Inatsisartunut qinersinerit allannguuteqartinneqarnavianngitsut, nakorsaaneq nassuiaavoq.

Najukkami inuk ataaseq tunillatsissimasoq pissutigalugu kommunimut Inatsisartunullu qinersinerit allannguuteqartinneqassanngillaq. Nunatta nakorsaanera Henrik L. Hansen nassuiaavoq.

- Katersuunneq pillugu nalunaarut malillugu politikkikkut isummersorluni ataatsimiinnerit inerteqqutaanngimmata, tunillatsittoqarsimanera ilaaliallaannaq sunniuteqarnavianngilaq, Henrik L. Hansen oqarpoq.

Tamanna isumaqarpoq inuk ataaseq kisimi tunillatsissimatillugu qinersinerit pilersaarut malillugu ullormi ataatsimi, tassa 6. april ingerlanneqassapput.

LÆS OGSÅ: Corona: Narsami inuk ataaseq tunillatsissimasoq paasineqartoq

Namminersorlutik Oqartussani qinersinermut ataatsimiititaliaq februarimi ilisimatitsivoq tunillaassuuttoqalissappat qinersineq ullunik marlunnik pingasunilluunniit sivitsorneqarnissaa sillimaffigineqarsinnaasoq. Tassani pineqarpoq innuttaasut akornanni tunillaassuuttoqassappat.

Ulluni pingasuni qinersinissaq suli eqqartorneqanngilaq

Inuk ataaseq Danmarkimiit Narsamut tikissimasoq, tikinnermini misissorneqarami Covid-19-imik tunillatsissimasoq paasineqarpoq. Tunillatsissimasoq Kalaallit peqqissartut illutaannut toqqaannartumik attaveqartuusimavoq.

Namminersorlutik Oqartussani nunamut namminermut immikkoortortaqarfik 22. februar ilisimatitsivoq najukkami qinersisinnaasut 200-t sinneqartuni tunillaassuuttoqarpat qinersineq ulluni pingasuni ingerlanneqarsinnaassasoq, tunillatsissimasoq 1. april sioqqullugu paasineqarsimappat.

- Qinersinerulli sivitsornissaanut eqqarsaatersuuteqarnissamut piffissaanngilaq, nakorsaaneq oqarpoq.

Tunillaassuuttoqartillugu qinersinerup sivitsornissaanut naliliinissaq allaqqunneqarsinnaanngippat nunatta nakorsaaneqarfia aalajangeeqataassaaq. Henrik L. Hansen nassuiaavoq nunamut namminermut immikkoortortaqarfimmi qinersinermut ataatsimiititaliaq allannguuteqarnissamut aallarnissaalluni pisussaasoq.

LÆS OGSÅ: Coronartoqassappat qinersineq takinerusinnaavoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER