Skip to main content

Narsami saffiooq agurkinik naatitsilluartoq

Saffiuup naalagaata Jim Petersenip naatitsivia 'Saffiuup naatitsivia' agurkinik tomatinillu ukioq manna kingumut ulikkaarpoq

Jim Petersen oqaluttuarpoq, upernaaq naasorpassuaateqarsimalluni, kingorna aamma jordbæriuteqarluarsimalluni. Maannakkorpiaq agurkit inerikkiartuleruttorput, tomatillu aamma aappaluttunngoriartuaalerlutik, nerisassiornermullu piariingajalerlutik.

- Arlaannik suliaqarnissaq nuannarilluinnarpara, suliumatugaannilu suliap inerneri naajorartut takusarlugit nuannerluinnartarpoq, Jim Petersen oqaluttuarpoq.

Maannakkorpiaq agurkit naasuinik 15-inik naasuuteqarpoq, taakkualu tamarmik immikkut 5 kiilut missaannik pissarsissutaasussaallutik, agurkillu 500 gram ataallugu oqimaassuseqassanatik.

Inuili tunitsivigisaraa

Tomatit naasuinik 50-it missaanniittunik aamma naasuuteqarpoq, taakkualu aasat tamaasa immikkut 2,5-3 kiilunik pissarsivigisarpai. Tomatit nalinginnaasut cherry tomatillu mikisut naatittarpai.

Inerititat inuussutissalerinermik ilinniarfimmut Inuilimut Narsamilu innuttaasunut, inuussutissanik nunatsinneersunik pingaartitsilluinnartunut, tunineqartarput.

Jim Petersen inuussutissalerinermi nutaraanngilaq. Inuussutissanik tunisassiorfik Panertut Narsaq, arferup neqaanik nikkulianik tunisassiortarrtoq pilersitseqataaffigalugulu piginneqataaffigaa.

'Nerisassat Pinngortitameersut' Sermitsiaq.AG-mi qaammammi sammisatut qulequtarineqarpoq. Aggustimi pingaarnerutinneqartut tassaapput nerisassat pinngortitamiittut tamanit pissarsiarineqarsinnaasut -Allaaserisat tamaasa maani atuakkit

Allaaserisassamik siunnersuutissaqaruit Facebookimi allaffigisigut imaluunniit uunga netredaktionen@Sermitsiaq.AG

Jim Petersenip naatitaanik tomatinik agurkinillu assilisat matuma ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER