pilluarit

Narsami nannuttoqaqqippoq

Ullut arlaqanngitsut ingerlanerinnaanni Narsam marlunnik nannuttoqarpoq

Sebu Kaspersen pingasunngornermilu nannuttani ataasinngormallu nannuttami niaqua

Piniartoq Sebu Kaspersen Narsameersoq pingasunngornermi inersimasumik nannuppoq. Nanoq angutiviaq arfineq pingasut missaannik ukioqarsorineqartoq nunaqarfiup Qassiarsuup eqqaani pisarineqarpoq. Maanna kujataani nannuttassat tamakkerneqarput.

Atuaruk: Ukiormanna nannuttarineqartoq siulleq

Ataasinngormat Sebu Kaspersen Narsarsuarmi mittarfiup ungasinngisaani nannuppoq. Aqaguanguinnartorlu nannussimalluni angerlamut tikeqqippoq. Nanoq pingasunngornermi pisarisaa oqaluttuarineqarpoq puallaarissoq.

Maanna kujataani nannuttassat tamakkerneqarput.

- Taamaalilluni aqutsiveqarfinni Nanortalimmi, Qaqortumi Narsamilu 2014-imi nannunik piniarneq ullumimiit unitsinneqarpoq, namminersorlutik oqartussat nalunaarput.

Ullunili kingullerni Narsap eqqaani nannut ikinnerpaamik sisamat takuneqarsimapput. Taamaammat piniartut immikkut pisassiisoqarnissaanik qinnuteqarniarput.

Nannut sisamat pisarineqartut Aappilattup, Tasiusap kiisalu Narsap eqqaanni pisarineqarput.

Pisassiissutit amerlinissaat kissaatigineqartoq
Kujataani sikusannginnera pissutaalluni nannut nerisassaqarpiarneq ajorput. Taamaattumik nunami nerisassarsiulersarput, savaatilinnut inunnullu navianartorsiortitsisinnaallutik.

Taamaattumik inuussutissarsiornermut allaffeqarfiup amerlanerusunik nannuttassiisoqarnissaa Kommune Kujallermut piumasaqaatiginiarpaa.

Powered by Labrador CMS