Børnenes dag

Narsami meeqqat ulluat

Nipilersorneq, nerisassat aamma kaagit. Narsami Meeqqat ullorsiortinneqarnerat ileqqorissaartumik ingerlanneqartoq

Naak silassamik ilimasaarut sialummik anorimillu neriorsuigaluartoq taamaattoq arfininngornermi Narsami sila nuannerpoq seqineq nuillattaarluni. Pilersuisoqarfiup eqqaanit inuusuttut klubbiannut ingerlaaqatigiittoqarpoq tamaani aaqqissuussinerit ingerlanneqarmata.

Meeraaqqerivimmit Narsarmiutamit meeqqat ittuulaaraluarlutik erinarsorput, oqilaniuttoqarpoq, pississaartoqarluni, sikkilimik unammisoqarpoq, volleyball-ertoqarluni pississaarfissuaq allarpassuillu neqeroorutaallutik.

Sandwichinik muffitsinillu agguaassisoqarpoq Inuilimit tunissutigineqartunik inersimasulli aningaasivissoqqaartariaqarput kaffimik kaagimillu ussiissagunik.

Nipilersoqatigiit Uranium appisimaarput. Klovni Kaalaaraq Abelsen aamma co. pullartanik agguaassipput. Unnukkut inuusuttut ornittagaanni qittattoqarpoq.

Powered by Labrador CMS