Skip to main content

Narsami maajip aallaqqaataasiornerit marluk

Narsami maajip aallaqaataasiornermi urani avissaartuutsitsivoq

Maajip aallaqqaataasiorluni oqalugiarnermni nuna tamakkerlugu aallakaatinneqartuni naalakkersuisunut ilaasortap Vittus Qujaukitsup SIK-llu siulittaasuata Jess G. Berthelsenip oqarput suliffinnik nutaanik pilersitsiniarluta Kuannersuarni urani piiassagipput.

Narsamili urani ima assortuussutaatitaaq, maajip aallaqqaataasiorluni aaqqissuussinerit assigiinngitsut marluullutik.

Narsami SIP katersortarfimmi kaffisortitsivoq aappalaartunik katinngaserluni ingerlaaqatigiinnertaqanngitsumnik, Inuit Ataqatigiit peqatigiiffillu Uran Naamik SIK-mut ilaasortanut, Kuannersuarni suliniummut akerliusunut, akerlussutsimik takutitsillutik ingerlaaqatigiissitsisut.

Katersortarfimmi SIp kaffillerpoq kaagimik iggiserlugu, immikkoortoqarfimmilu siulittaasoq Helga Godtfredsen maajip aallaqqaataasiornermi oqalugiarpoq.

Kingornalu bingo-rtoqarluni.

Helga Godtfredsen oqalugiarnermini ilaatigut oqarpoq, illoqarfimmi suliffissaaleqisut ukiuni kingullerni tallimani amerliartorsimasut, maannakkorpiarlu pitsaanerulaalersimagaluartoq suliffissaaleqisut suli amerlavallaarujussuartut.

Suliffissaaleqineq pissutigalugu isumaginninnermut aningaasartuutit taama amerlatiginerat akuerineqarsinnaanngilaq, aamma akuerineqarsinnaanngilaq tamannarpiaq pissutigalugu ilaqutarpassuit iniminnit anisinneqartarmata.

Taanna aamma isumaqarpoq piniarnermit aalisarnermillu pisat nunami maani  tunisassiarineqartassasut, nunanut allanut tunisassiassatut nassiuttarnagit. Tamanna Kalaallit Nunaanni suliassaqartitsinerulissaaq, aningaasaqarniarnermut iluaqutaasumik, taanna naliliivoq.

Aalisartut ataasiakkaarlugit pisassinneqartariaqarput, ataatsimut pisassiisarani. Helga Godfredsen naapertorlutu tamanna suliffissuarnut tunioraanermik aalajaannerusumik kinguneqassaaq.

Taavalu pingaaruteqarpoq aatsitassat atorneqarnissaat, minnerunngitsumik aatsitassat qaqutigoortut, aamma uranimik akoqaraluarpataluunniit.

Urani atorniarneqartariaqarpoq, nunat allat atorfissaqartippaat nunamilu suliffissaaleqisut ilarpassuinut suliffissaqartitsisinnaavoq, taanna oqarpoq.

Kalaallit Nunaata avammut nittarsaanneqarnera pingaarnerutinneqartariaqarpoq, takornariat amerlanerusut takkuttaleriniassammata. Tamanna suliassaqartitsinermut iluaqutaassaaq.

Atorfeqarneq eqqarsaatigalugu SIP-p siulittaasua isumaqarpoq kalaallit oqaasiinik atuartitsineq annertusineqartariaqartoq, tuluit oqaasii pingaarnertut tullinngortillugit. Taamaasilluni nunarsuup sinneranut ammaassisoqassaaq, ilinniagagaqarnissamut periarfissat amerlanerujussuanngorlutik. Meeqqanut akuerineqarsinnaanngilaq qallunaatoornermik pikkorlunnertik pissutigalugu karakterilittaramik.

Taamaasilluni oqalugiaataa Jess G. Berthelsenip oqalugiaataanut assingusorujussuuvoq.

Naggataatigut najuuttut ullorsiorneranni pilluaqquvai, maajillu aallaqqaataasiorluarnissaannik kissaallugit.

IA-rmiut aamma Utani Naamik akerlussutsimik takutitsinerat tupaallannartumik peqataalluarfigineqarpoq. Illoqarfik kaajallareerlugu Timersorfarfiup Cafeteriaani kaffisoqatigiipput oqalugiartoqarlunilu.

Urani Naamimmi siulittaasup tulliata Bjarne Egedep oqaluttuaraa Kuannersuarni pilersaarutigineqartutut piiaaffeqalissagaluarpat eqqagassat tatsimut eqqarniarneqarnerat qanoq ulorianartiginersoq, tassa illoqarfiup imeqarfia mingitsissinnaammagu.

Kommune Kujallermi borgmesterip tulliata aappaata Avaaraq Olsenip oqalugiarnermini sammivai immikkut suliffissat, peqqissuseq avatangiisilluunniit innarlinngikkaluarlugit.

Tamatuma kingorna suleqatigiissitaliortoqarpoq, taakkualu siunnersuuterpaalunnik saqqummiussaqarput.

Siunnersuut suliarineqassapput, kingornalu tusagassiorfinnut nalunaarutikkut saqqummiunneqarumaarlutik.

BODY
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER