Narsami imeq qalaateqqaarneqassaaq

Pinngortitamut Avatangiisinullu Naalakkersuisoqarfiup Narsami innuttaasut imeq qalatseqqaartarnissaanut peqqussuteqarpoq, imermi bakterianik nassaartoqarnera pissutigalugu

Narsami imeqarfik bakteeriaqarpallaartoq misissuinermi kingullermi uppernarsineqarpoq.

Taamaattumik suliffeqarfiit inuussutissanik nioqqutilliisut sulifeqarfiillu allat peqquneqarput, tunisassiornermi atuinermilu imeq qalateqqaarlugu imerneqassasoq taavalu atorneqassasoq.

Qalatitsinissamut innersuut/peqqussut unitsinneqarumaarpoq, erngup ajoquteqarunnaarnera misissuinerit nutaat takutippassuk.

Powered by Labrador CMS