Skip to main content

Narsami IA: Piaaffimmut taarsiullugu nutaamik periarfissitsigut

Narsami Inuit Ataqatigiit borgmesterip aatsitassarsiornissamut tapersiinissamik oqariartuuteqarnera nuannaarutiginngilaat

Kuannersuarmi aatsitassarsiorneq mingutsitsinngitsumik ingerlanneqarsinnaappat, Kommune Kujallermiit tapersersorneqartoq, Kommune Kujallermi borgmesterip qanittukkut oqaatigaa.

KNR-mi atuaruk: Kuannersuarni aatsitassarsiorneq inuussutissarsiornermik innarliissanngilaq

Tamanna Narsami Inuit Ataqatigit iallatut isumaqarfigivaat.

- Erseqqissaatigisariaqarparput Kuannersuarmi aatsitasssarsiorneq akerlerigatsigu. Uaguttaaq Kujataani inuussutissarsiorneq inerisarneqarnissaanut angertuuvugut, taamaattumik isumaqarpugut nutaanik, ataavartussanik suliffissaqartitsisinnaasumik piaartumik sulissutigineqartariaqartoq, tamannalu Inatsisartut Naalakkersuisullu aqqutissiuusseqataaffigisariaqaraat, Avaaraq Olsen, kommunimi 2. viceborgmesteriusoq taama allappoq.

Allanik periarfissanik amigaateqartut
IA-m politikeri isumaqanngilaq, Naalakkersuisut imaluunniit Kommune Kujalleq inuussutissarsiornermut ineriartortitsinermut suliat allat naammattumik tapersersoraat, piiaaffissatut pilersaarut kisiat eqqaassanngikkaanni.

Aatsitassarsiorneq taamak assigiinngitsigisumik isummersorfigineqartoq, ajutoortoqarpallu illoqarfimmik piuneerutsitsisinnaasoq isumalluutigineqarnera qaangerlugu suliffissanik nutaamik pilersitsisoqartariaqarpoq, taanna marlunngornermi tusagassiorfinnut nalunaarummini allappoq.

Suliffiit kukkusuupput
Suliffeqarfimmut aatsitassarsiortumut Greenland Minerals and Energymut suliffiit tunniuussuuneqarsimasut namminersortunut agguaaneqartariaqarlutut taanna isumaqarpoq.

- Narsami innuttaasut assigiinngitsunik siunnersuuteqartareerput ineriartortinneqarsinnaasunik. Tikilluta oqaloqatigineqartuugutta qularnanngitsumik iluaqutaasussamik angusaqarfiuusinnaavoq.

Atuaruk: Kuannersuarni piiaaffik piviusunngornissaanut qanilliallattoq

Qanittukkut KNR-mi aallakaatitassiami Qulaarpaami Kuannersuarni suliniut sammineqarpoq, tassanilu ilaatigut Jørgen Wæver Johansen peqataavoq.

Aallakaatitassiaq uani ataani takusinnaavat

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER