Skip to main content

Narsami attartortut arlaqartut anisitaasussatut inissisimasut

Nunatsinni attartortut anisitaasussat 398-it akornanni Narsami ineqartut 89-it anisitaasussatut inissisimapput. Inissiaatileqatigiiffik Inip Narsami taama amerlatigisut sooq anisitaasussatut inissisimanersut nassuiaatigisinnaanngilaa

Inip paasissutissiissutigisinnaavaa attartortut 398-it akilinngitsuukkanik akiitsoqarneq pissutigalugu anisitaanissaq maannakkorpiaq utaqqimmassuk. Kisitsisini pineqarput attartortut 394-it inissiani kommunimit aamma Namminersorlutik Oqartussanit pigineqartuni najugaqartut aammalu attartortut sisamat Illuutip inissiaataanni najugaqartut. 

Anisitaasussat 398-it akornanni 89-it Narsarmi najugaqartuupput. 

Nunatsinni 22 procentii
- Nunatta kujataani politikkerit tamanna pillugu apeqquteqarsinnaavutit, Inissiaatileqatigiiffik Inip attaveqaqatigiinnermut pisortaa Else Løvstrøm Sermitsiaq.AG-mut oqarpoq. Aaqqissuisoqarfimmi maluginiarneqarpoq sooq Narsami anisitaasussatut inissisimasut taama amerlatigisut. 

- Akiitsunik akiliiniarnermut tunngatillugu allannguisoqarsimanera ilisimatitsissutigisinnaavara. Qaammatinut sisamanut akilersugassat akilersornagit ukiunut marlunnut akilersorneqarsinnaalernerat atuutilernikuuvoq isumaqatigiissup naammassinissaata tungaanoortuulluni, Else Løvstrøm nassuiaavoq. Namminersorlutik Oqartussat akuersereernerata kingorna attartortut tamanna periarfissiissut atulersimagaat nalunaarutigaa. 

Inissiaatileqatigiiffiup allanngortiterinerata pissutigisaanik Narsami attartortut 89-t anisitaanissaannut inissisimanngitsut Inip attaveqaqatigiinnermut pisortaata oqaatigaa. 

Naatsorsueqqissaartarfiup kisitsisai malillugit Nunatsinni 56.295-nik inoqarpoq juulimi 2014-mi. Taakkunani Narsami inuit 1.518-t najugaqarput. Tamanna Kalaallit Nunaanni 2,7 procenteraat. 

Attartortut anisitaasussat 398-t illoqarfinni ima inissisimapput:

  • Nanortalik: 18
  • Qaqortoq: 42
  • Narsaq: 89
  • Paamiut: 8
  • Nuuk: Namminersorlutik Oqartussanit 46-mi - Illuutinit sisamat
  • Maniitsoq: 39
  • Sisimiut: 28
  • Kangaatsiaq: 13
  • Aasiaat: 39
  • Qasigiannguit: 4
  • Ilulissat: 48
  • Qeqertarsuaq: 1
  • Uummannaq: 1
  • Upernavik: 6
  • Qaanaaq: 10
  • Tasiilaq: 2
  • Ittoqqortoormiit: 0

Inissiigallarfissat pillugit kiisalu allaaserineqartoq 'Partii Naleraq: Isertitat najoqqutaralugit akiliisarnissaq' Sermitsiami annertunerusumik atuartoqarsinnaapput. Aviisi uani pisiariuk:

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER