Skip to main content

Narsami arnat sorsuffittut ulluat

Narsami arnat peqatigiiffiata nunarsuaq tamakkerlugu arnat sorsuffittut ulluat innuttaasunut soqutiginnittunut kaffisortitsillutik ullorsiutigaat, aamma angutit

Narsami arnat peqatigiiffiata illuminni Umiarsualivitoqqap eqqaani ukiumi ullormi seqinnarissumi matut ammarpaat, tassanilu innuttaasut kaffi, tii aamma kaaginut qaaqquneqarput.

Peqatigiiffiup siulittaasua, ilinniartitsisoq soraarneq Adoldine Poulsen, kalaallisuunut sapannganik nuilarmiuliami ilai nerriviup isuanut iliorarsimavai, tassanngaanniillu inunnik tikilluaqqusisarpoq.

Atuaruk: Naligiisitaanissamut Siunnersuisoqatigiit: Angutit aamma ulloqartinneqartariaqarput

Ullup ingerlanerani isertoqarluarsimasoq Adolfine Poulsen oqaluttuarpoq, taamatullu aamma peqatigiiffimmi ilaasortat unnukkut nereqatigiissanerarpai.

Arnat peqatigiiffiat arfininngorpat katersortarfimmi ukiut siulii assigalugit ''arnanut nuannatsitsissaaq''.

Peqatigiiffimmi oqaaseqartartoq, Theo Krusen Jensen, tamanna nalunaaqutaq 19 aallartissasoq ilisimatitsivoq, peqataasullu unnummi aliikkusersuisoqarlunilu nuannattoqassasoq neriorsuutigaa, erinarsortoqarluni unammisoqarluni, minnerunngitsumillu ukioq manna arnatsialannik toqqaasoqassaaq.

Illoqarfimmi allagartaliisoqarumaartoq taanna oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER