Skip to main content

Narsami aalisartoq nuannarineqartoq ilineqarpoq

Aalisartoq Johannes Jensen pingasunngormat kingullermi maqaasineqarluni ujarneqartoq, sisamanngormallu umiatsiaaqqamini toqungasoq Narsap eqqaani nassaarineqartoq, marlunngormat Narsap oqaluffiani ilineqarpoq.

Aalisartoq Johannes Jensen marlunngormat ajoqimit Lone Egedemit ilineqarmat, oqaluffimmi issiaviit tamarmik ulikkaaqqapput, nikorfaffissallu aamma tamarmik atorluarneqarlutik. 

Tamanut assigiimmik pinnittartoq
Taassuma oqalugiarnermini Johannes Jensen inunnik tamanik, meeqqanik, inuusuttunik inersimasunillu assigiimmik pinnittartoq ilaatigut erseqqissarpaa.

Naalagiarnerup kingorna ilerra ilaqutaasunit aamma Narsami aalisartut piniartullu kattuffiani NAPP-mi aalisartoqatiminit iliveqarfiliaanneqarpoq, tassanilu Johannes Jensen ilineqarpoq.

Toqunerani pasinartoqanngitsoq Narsami politiit ilisimatitsipput.

Umiatsiaaraa nassaarineqarmat sinittutullusooq illuni motorip aquutaa tigummiarsimagaa, taakku oqaluttuarput, aquuteralallu kigaatsumik ingerlasussanngorlugu inissisimavoq. Taamaammallu umiatsaara orsueruttoornissami tungaanut kaavissimasoq isumaqarput.

Johannesip aalisarneq inuuneraa. 1970-ikkunni qatanngutimi Orla Jensenip Arsummi aalisariutaani aalisartuuvoq.

Aalisartoq misilittagartooq
Taanna aalisartoqatiminit pikkorissutut misilittagartuutullu isigineqarpoq, tamannalu amerlasuut nuannaraat.

Johannes Jensenip nuliani, meeqqani aamma ernuttani qimappai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER