Skip to main content

Naqqiissut: Inatsisartut Siulittaasoqarfiani angalanernut aningaasartuutaasartut qaffassimanngillat

Naatsorsueriaatsip allanngortinneqarsimanera pissutaavoq, Sermitsiaq.AG-p Inatsisartut Siulittaasoqarfiani angalasarnernut aningaasartuutit qaffarujussuarsimanerat pillugu kukkusumik paasissutissiisimaneranut

Sermitsiaq.AG-p pingasunngormat septembarip 18-ani paasissutissiissutigaa, Inatsisartut Siulittaasoqarfiani angalasarnernut aningaasartuutit 2017-imi 106.113 koruuninit 2018-imi 573.071 koruuninut qaffassimasut.

Tamannali eqqortuunngilaq. 2018-imi angalanernut aningaasartuutaasimasut katillutik 87.583 koruuniusimapput, tassa ukiup siulianut sanilliullugu appasinnerulaarlutik.

Kukkusumik paasissutissiisoqarpoq, 2018-imut Inatsisartut ukiumoortumik nalunaarusiaanni tabeleqarnera imatut allassimasoqartumik, 'Angalanernut aningaasartuutit oruuninngorlugit, allaffissornernut aningaasartuutit ilanngullugit' 2017-imut tunngatillugu 106.113 koruunit aamma 2018-imut tunngatillugu 573.071 koruunit allassimagamik.

Paasinarsivorli naatsorsueriaaseq 2017-imit 2018-imut allanngortinneqarsimasoq, tassa 2018-imut tunngatillugu angalanernut aningaasartuutaasimasut allaffissaannut Inatsisartut Siulittaasoqarfiata ingerlanneqarneranut aningaasartuutaasimasut tamarmiusut allanneqarsimagamik (naak naatsorsuinermi nikingassuteqalaartoqarsimanera pissutigalugu suli 2.071 koruuninik nikingassuteqartoqaraluartoq).

Nalunaarusiami tabel kingullerpaaq naapertorlugu angalanernut anngaasartuutaasimasut kisitsisitaat eqqortumik naatsorsorneqarsinnaasimapput, eqqortullu tassaallutik 87.563 koruunit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER