isumalioqatigiissitaq
– Naqisimaneqanngitsumik oqaaseqarsinnaatitaaneq Inatsisartut siulittaasuannut aamma atuuppoq
Lars-Emil Johansenip Tunngaviusumik Inatsisiliornissamut Isumalioqatigiissitamut siulittaasutut suliaqarnerup qallunaatut malinnaavigineqarsinnaanissaa qulakkeerusuppaa
Siumup naalakkersuisoqatigiinni partiitut siuttuusutut Inatsisartut siulittaasuat Lars-Emil Johansen Tunngaviusumik Inatsisiliornissamut Isumalioqatigiissitap siulittaasussaatut tikkuarsimavaa, tamannali Naalakkersuisuni suliluunniit akuersissutigineqanngitsoq isornartorsiorneqalerluni.
Demokraatineersoq Michael Rosing isumaqarpoq, Inatsisartut tamarmiusut siulittaasuattut atuuffik Tunngaviusumik Inatsisiliornissamut Isumalioqatigiissitap siulittaasuatut atuuffimmut politikkikkut imartoreeqisumut ataqatigiissinneqarsinnaanngitsoq.
Atuaruk: Lars-Emil Siumumit toqqarneqarpoq
Isornartorsiuineq akerlileraa
Lars-Emil Johansenip isornartorsiuineq akerlilerpaa.
– Imaanngilaq sunnguamilluunniit oqaaseqaqqusaanngitsunga, tassami Inatsisartut ataatsimiittarfianni allatulli qinikkatut politikeriuvunga. Inatsisartut siulittaasuata isummersoqqusaanngilluinnartutut inissisimalersinnissaa siunertaanngisaannarsimavoq; taamaattoqarsimagaluarpat robottimik toqqaasoqarsimasariaqaraluarpoq, Lars-Emil Johansen Sermitsiamut oqarpoq.
– Naagga, naqisimaneqanngitsumik oqaaseqarsinnaatitaaneq Inatsisartut siulittaasuannut aamma atuuppoq, kisianni soorunami atorfik ataqqinartoq inissisimaffiup tamatuma nassatarisaa peqqissaartumik eqqumaffigalugu. Taamaattumik Inatsisartut sulisillugit Inatsisartut tamarmiusut sinnerlugit atuuffinnik isumaginnitsillunga inuttut nammineq isummersinnaatitaavunga.
Atuaruk: Amerlanerussuteqarluartut: Lars Emili atorfinissanngilaq
Allaaserisaq tamaat Sermitsiami atuaruk. Aviisi uani pisiariuk: