Skip to main content

Naqinnernik ilisarinnissinnaanngitsut iliuuseqarfigineqanngitsut

Naqinnernik ilisarinnissinnaanngikkaanni nunap ilinniartoqarfiini, ilinniartitsisoqarnikkut atortutigullu naqinnernik ilisarinnissinnaanngitsunik atuartitsinissamut neqerooruteqarsinnaannginnera pissutigalugu immikkut ikiorserneqarnissaq naatsorsuutigineqassanngilaq.

Meeqqat inersimasuulluunniit naqinnernik ilisarinnissinnaanngitsut immikkut ilinniartitsissutinik naqinnernik ilisarinnissinnaanngitsunut atorneqartartunik ikiorserneqarsinnaanngillat.

Tamanna Ilinniartitaanermut Naalakkersuisup Sofia Geislerip paragraf 37 naapertorlugu apeqqutaanut akissutaani atuarneqarsinnaavoq.

Peter Olsenip ilinniartoqarfinnut tunngatillugu ilisimatitsissutigisinnaasatuaraa, ilinniartoqarfiit arlallit ”fagini atuartitsinermik, atuarnermik / allannermik ingerlatsinermik ilitsersuisartut, kiisalu qarasaasiatigut sakkussanik pigineqartunik atuisartut, assersuutigalugu Martha, atortussialiamik kalaallit nipaannik allatanik oqaasinngortitsisinnasumik atuisarneq”.

Majoriaq immikkut neqeroorutaasinnaasunik soqanngitsoq

Sofia Geislerip aamma inuit naqinninnernik ilisarinnissinnaanatik meeqqat atuarfiani atuartussaatitaanermi ukiussarititaasut qaangerlugit ukiullit, atuarniarnikkut allanniarnikkullu ajornartorsiuteqartut pikkorissarnissamut il.il., taamalu piginnaasamikkut qaffassaanissaminnut iliniarfeqarfinnut suliffeqarfinnullu appakaannissaminnut iluaqutissaminnik qanoq periarfissaqarnersut paaserusuppaa.

Inersimasunut naqinnernik ilisarinnissinnaanngitsunut akissutigineqartoq qiimmaallarnapallaarunanngilaq, teknikkikkummi atortorissaarutit atorneqarsinnaasut taamaallaat innersuussutigineqarmata.

Isumaginninnermut Suliffeqarnermullu Naalakkersuisoqarfiup ilisimatitsissutigisimavaa, Majoriami naqinnernik ilisarinnissinnaanngitsunut ataavartumik immikkut neqeroorutinik pilersitsisoqarsimanngitsoq.

- Taamaakkaluartoq Majoriami atuartitsisartut/ilinniartut Sammisat/Suliakka aqqutigalugu atortulersuummik atuisinnaanermik periarfissaqarput, tassa ilinniartumik atuartitsinermi allattariarsorneq kisiat periarfissaaqqunagu, videot, nipit allallu aqqutigalugit sulianik tunniussinissamut taakku periarfissaapput, Peter Olsenip akissutaani allassimavoq.

Nutaanik suliniuteqarnianngitsoq

Naqinnernillu ilisarinnissinnaanngitsut naatsorsuutigissanngilaat, Peter Olseni naqinnernik ilisarinnissinnaanngitsut ajornartorsiutigisartagaannik oqaluuserisassanngortitsinissaa. Taassumami ilisimatitsissutigaa ”Naalakkersuisut sammisamut atatillugu allanik tamatumunnga attuumassutilinnik paasissutissaateqanngitsut”.

Siumumeersup Katti Frederiksenip, Peter Olsen sioqqullugu ilinniartitaanermut naalakkersuisuusimasup siorna novembarip qaammataani ilisimatitsissutigaa, naqinnernik ilisarsisinnaanngitsuunermut naqissusiinissamut misiligutit qallunaanut atorneqartartut nunatsinnut tulluarsaruminaattut, oqaatsit sannai oqaaseqatigiillu allaanerulluinnartut nunatsinni atorneqarmata. Tassungalu atatillugu ilisimatitsissutigineqarluni, nalunaarusiami paasineqarsimasoq, 3. klassemi atuartut arfiniliugaangata ataaseq naqinnernik ilisarsisinnaanngitsuunermut ilimanaateqartartoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER