Skip to main content

Naqinnernik ilisarinnissinnaanngitsoq: Ikiornissaqanngilaq

Aviâja Paviassen naqinnernik ilisarinnissinnaanngilaq. Nappaataali qulakkeerneqarsimanngimmat ilinniarnermini ikiorserneqarsinnaanngilaq. Atuartitsinermi malinnaasinnaajumalluni ikiuutit nammineerluni pisiarisariaqarsimavai.

26-nik ukiulik Aviâja Paviassen takuneqarsinnaanngitsumik innarluuteqarpoq. 

Naqinnernik ilisarinnissinnaanngilaq. Taamaakkaluartoq Nuummi Niuernermik Ilinniarfimmi Økonimi og Ressourcestyringimi ilinniarpoq, aappaagulu naammassinissani naatsorsuutigalugu.

- Oqalunnermi naqinnerit ilaat tusaajuminaatsissinnaasarpakka. Oqaatsit nalunarnerumaartut allannissaat atuarnissaallu unammillernartittarpara. Ilinniarnissannulli taakku unitsitsisariaqanngillat, Aviâja Paviassen oqaluttuarpoq.

- Oqartussanit paasineqarluarnissaq kissaatigigaluarpara. Ilinniarnimma ingerlatiinnarnissaanut pisariaqartitannik ikiorsiissuteqanngilaq, oqarpoq.

Misiliuteqanngippat – ikiuutissaqanngilaq

Inatsit tunngavigalugu inuit innarluuteqartut oqartussanit tapersersorneqassapput.

Naqinnernik ilisarinnissinnaanngitsut oqartussanit ikiorserneqarsinnaapput misilitsissimagunik. Kalaallit Nunaannili misiliuteqanngilaq.

LÆS OGSÅ: Kalaallit Nunaanni naqinnernik ilisarinnissinnaannginnermut misiliuteqanngilaq

Tiliup innuttaasut saaffiginnissutaat pillugit nalunaarusioqqammerpoq. Taassuma takutippaa inuit innarluuteqartut pillugit suliaqartut atuarnermi ilinniarnermilu tapersersuinermik ikiuutinillu pisariaqartitsisut ikiorneqanngitsoortartut, saaffiginnittartut.

- Nappaatiga paasineqarsimanngilaq. Meeraaninni atuarniarneq oqalunniarnerlu ilungersunaraluartut, taamaattoq misilitsissimanngilanga. Inersimasunngorninni misilitsissinnaanngilanga, misiliuteqanngimmat. Taamaammat ikiorneqarsinnaanngilanga, Aviâja Paviassen nassuiaavoq.

Taanna isumaqarpoq inuit naqinnernik ilisarinnissinnaanngitsut oqartussanit puigorneqartut.

Imminut ikiortariaqalersimasoq

Aviâja Paviassen ilinniarnermi ilarujussuani, siullermik ilinniarnertuunngorniarnermini, maannalu NI-mi ilinniarnerminut atatillugu, ilinniarnermini ikiorneqarusulluni oqartussanut akisussaasunut saaffiginnittarsimagaluarpoq.

Legatimilli aningaasanik tapertilluni ikiuutissatut CD-ord nammineq pisiarisariaqalersimavaa.

CD-ord naqinnernik ilisarinnissinnaanngitsunut ikiuutaavoq, atuarniarnerup allanniarnerullu unammillernartinnerani oqilisaassisinnaalluni. CD-ord computerikkut atortarpoq. Taassuminnga atuisut suliaminni nammineersinnaanerulertarput.

Aviâja Paviassenilli misilinneqarsinnaannginninni suli uggoraa.

- Naqinnernik ilisarinnissinnaannginneq paqumigineqarpoq. Innarluummut tassunga misilinneqartoqarsinnaasariaqarpoq, inuiaqatigiinni allat assigalugit peqataanissatsinnut ikiorneqarsinnaalerniassagatta. Naqinnernik ilisarinnissinnaanngitsut misilinneqartanngippata, naqinnernik ilisarinnissinnaanngitsut puiguinnarneqarput, Aviâja Paviassen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER