Skip to main content

Nappartakut manngertornisut 100.000-it peerlugit

Amerikamiut sakkutooqarfigisimasaanni mingutsitsinerup annertussusaa suli qulaajaavigineqarsimanngilaq

Kommuneqarfik Sermersuup marlunngornermi juunip 25-ani suliariumannittussarsiuussinerini marlunni ajugaasut aasap ingerlanerani sapaatip-akunnerini ulapaarfiusuni pingasuni mittarfiusimasuni marlunni Ikkattimi Tasiilap avannaaniittumi aamma Marrarmi Nuup kujataaniittumi saliinernik aallarnisaataasunik suliaqassapput.

Aviisi Sermitsiaq taama allaaserisaqarpoq.

Nappartakut imaqanngitsut biilikullu manngertornisut Kalaallit Nunaata oqaluttuarisaanerani piffissamut ilungersunartumut ilisimannittutut nipaatsutut sinnerussimapput: Sorsunnersuup Kingulliup nalaani Amerikamiut Kitaani Tunumilu mittarfinnik sakkutooqarfinnillu arlalissuarnik pilersitsiortorput, taakkuali amerlanersaat sorsunnersuup qaangiunnerani qimanneqarlutik.

Kingorna sakkutooqarfiit taakkua saqitsaassutigineqalerput: Kikkut Amerikamiut Kalaallit Nunaanni qimatakuinik saliissappat? USA akisussaajumanngilaq, taamaattumillu Danmark tikkuarneqalerluni.

Naalakkersuisut siulittaasuat Kim Kielsen aamma avatangiisinut inuussutissalerinermullu ministeri Esben Lunde Larsen Amerikamiut sakkutooqarfiini saliinissaq pillugu januaarimi 2018-imi isumaqatigiissuteqarput.

Isumaqatigiissummi Kalaallit Nunaanni sumiiffiit Amerikamiut sakkutuuisa najuuffigisimasaat – Sorsunnersuup Kingulliup nalaani ukiunilu tamatuma kingorna, atorneqarunnaarsimasulli, pineqarput.

Nunatsinni Amerikarmiut sakkutooqarfikuini saliisoqarnissaa Kalaallit Nunaannit ukiorpassuarni kissaatigineqarsimavoq. Danskit naalakkersuisuisa aamma Naalakkersuisut akornanni isumaqatigiissuteqartoqarneratigut saliinissaq, aamma Amerikamiut qimataannik saliinermut inuiaat kalaallit akiliinnginnissaat qulakkeerneqarpoq, Naalakkersuisut siulittaasuat Kim Kielsen oqarpoq.

Tamanna pillugu Sermitsiami paasisaqarnerugit – uani ataani aviisimut isissutissarsigit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER